Glossariy Mektepge shekem tálim

Tálim procesi - tárbiyashi hám balalar ortasında tashkil etiletuǵın hám de ilimiy bilimlerdi ózlestiriwge jóneltirilgen pedagogikalıq process.
Tálim maqseti - tálim beriwden (alıwdan ) gózlengen múddáhá.
Tálim mazmunı - 1) oqıtıw processinde iyelew kerek bolǵan bilim, kónlikpe, ilmiy tájriybeler mánisi, kólemi hám xarakteri.
2) shaxstıń intellektual hám fizikalıq qábiletin hár tárepleme rawajlandırıw, dúnyaǵa kóz qarası, odobi, xulqi, socialliq ómir hám miynetke tayınlıq dárejesin qáliplestiriw procesiniń mánisi.
Tálim sisteması - jetkinshekke tálim-tárbiya beriw jolında mámleket principlerı tiykarında iskerlik júrgizeip atırǵan barlıq túrdegi oqıw -tárbiya mákemeleri kompleksi.
Túsinik - átirap -ortalıqtaǵı hádiyseler, predmetlerdiń zárúrli qásiyetlerin, olar arasındaǵı baylanıs hám munasábetlerdi biliw.
Tolıq ratsionalizm - adam xızmet kórsetiwi ushın hár tárepleme informaciyaǵa iye hám odan óz iskerliginde paydalanıp, maksimum dárejede nátiyjege erisedi, dep qaralatuǵın jónelis.
Iskerlik - 1) sanalı maqsetke kóre basqarılatuǵın kisiniń ishki (psixik), sırtqı (fizikalıq ) aktivligi; 2) átirap -ortalıqtı kisiler tárepinen maqsetke muwapıq qayta qurıw.
Xalıq pedagogikası yamasa etnopedagogika - bul etnik gruppalar millet, xalıqtıń ásirler dawamındaǵı tariyxıy turmısı dawamında erisken empirik tájiriybeleri tiykarında balaǵa tálim-tárbiya beriw tuwralıǵı pán.
Jeke pazıylet - shaxs tárepinen óziniń etikalıq, psixik hám ıskerlik qábiletiniń social áhmiyetin, jámiyettegi ornın anglay alıw ózgesheligi.
Siyiniw - shaxs ámel etetuǵın bilim, princip hám ideallardıń shınlıǵına shın qálbinen hám tıyanaqlı isenim menen baylanısqan, onıń átirap -ján-jaqqadada óziniń minez-qulqlarına bolǵan subyektiv iskerligi.
Ózlestiriw - túsiniw, úyreniw arqalı informaciyanıń mánismazmuni, odan paydalanıw yamasa háreketlerdi orınlaw tártibi tuwrısında bilim hám kónlikpeler payda bolıwı.
Úyreniw - informaciyadan paydalanıw hám túrli háreketlerdi kórsetilgen tártipte ǵárezsiz orınlaw kónlikpelerin iyelew.
Úyretiw - informaciyadan paydalanıw hám túrli háreketlerdi orınlaw kónlikpeleriniń oqıwshılar tárepinen ózlestirilishini túrli qural hám usıllardı qollap túsindiriw, kórsetiw hám shınıǵıwlar arqalı ámelge asırıw procesi.
Qızıǵıwshılıq - shaxs háreketine sebep bolatuǵın iskerlik baǵdarınıń sanalı forması, insannıń ol yamasa bul zatqa, jumısqa dıqqat qoyıw qaratıwı, ıqlas qoyıwı, eger ol atqaratuǵın jumıs bolsa orınlawǵa jigerli túrde kirisiwi.