Glossariy 1-mavzu. Marketing va uni rivojlanishining asosiy bosqichlari

СЦЕНАРИЙ (итал. scenario) – 1) пьеса мазмунининг қисқа баёни, импровизация театри, томошаси, балет спектакллари, оммавий томоша ва б. ўйинлар яратиладиган сюжет тузилиши; 2) кино санъати ва телевидение воситалари ёрдамида гавдалантириб кўрсатишга мўлжалланган адабий асар.


СЮЖЕТ (франц. – предмет, мазмун, нарса) – бадиий асар мазмунини ташкил этадиган, бир-бири б-н ўзаро боғлиқликда кечадиган, қаҳрамонлар ўртасидаги алоқалардан таркиб топган воқеалар тизими. Барча эпик, драматик ва лиро-эпик турдаги бадиий асарларда С. мавжуд бўлади.


«ТАНАВОР», «Тановар» (форс. – жасур, қудратли, кучли) – 1) ўзбек халқ лирик куйи; Фарғона водийсида кенг тарқалган. Ўн бешдан ортиқ ашула ва чолғу йўллари маълум. Ашула йўлларидан оммавийлашган «Т.-1» халқ шеъри («Қора сочим») б-н, «Т.-2» Муқимий шеъри («Энди сендек...») б-н айтилади.


ТАСВИРИЙ САНЪАТ – рангтасвир, ҳайкалтарошлик, графикани бирлаштирган нафис санъат тури; воқеликни унинг осонгина илғаб олинадиган фазовий шаклларда кўргазмали образларда акс эттиради. Т.с. турлари ўз хусусиятларига қараб реал борлиқни объектив мавжуд сифатлари – ҳажм, ранг, фазо, шунингдек, предметнинг моддий шакли ва нур-ҳаво муҳити, ҳаракат ва ўзгаришлари хиссини яратади, бунда тасвирнинг ҳиссий конкретлилигидан иллюзионизмга ўтиш мумкин.


ТЕАТР (юн. theatron – томошагоҳ) – 1) санъат тури; унинг ўзига хос ифода воситаси актёрнинг омма олдидаги ўйини жараёнида юзага келадиган саҳнавий воқеадир. Т. санъатида ҳам бошқа санъатларда бўлганидек, халқ ҳаёти, тарихи, дунёқараши акс этиб, жамият тараққиёти, маънавияти, маданияти б-н боғлиқ ҳолда ўзгариб, такомиллашиб боради.


Театрлаштирилган оммавий томошалар – ноанъанавий саҳналарда ўтказиладиган, бирор мавзу ёки санага бағишланган, театр элементлари билан бойитилган, кўпчилик иштирок этадиган тадбир.


ТЕАТРШУНОСЛИК – театр тарихи ва назариясини ўрганувчи фан. Мустақил илмий йуналиш сифатида театр санъатининг умумий тараққиёти билан боғлиқ ҳолда 20-а.да шаклланган. Т. дастлаб, асосан драма театрлари фаолияти б-н боғланган булса, кейинчалик опера ва балет, оперетта, мусиқали драма, болалар театри, қўғирчоқ театри, театр таълими, саҳна нутқи, декорация санъати, театр либоси ва пардози, саҳна ҳаракати, ҳаваскорлик театри соҳалари ва йўналишларини уз ичига олади.