Glossariy 1-mavzu. Marketing va uni rivojlanishining asosiy bosqichlari

Хўжалик шартномаси - бу корхоналарнинг хўжалик муносабатларини ўрнатиш ҳақидаги ўзаро келишувидир.
Харажатлар - ишлаб чиқариш фаолияти жараёнида юзага келган чиқим, сарфлар.
Ҳисобот - бу хўжалик фаолияти натижалари тўғрисида умумлашган маълумотлар йиғиндисидир.
Ҳисоб-китоб ҳисобварақалари - бу ҳуқуқий жиҳатдан мустақил балансга ва ўз оборот маблағларига эга бўлган, хўжалик ҳисоби асосида иш юритадиган корхона ва ташкилотларга очиладиган ҳисобварақалар.
Ҳисоб-операцион бўлими – бу банкларда бажариладиган барча операцияларнинг бухгалтерия ҳисобини олиб бориш учун ташкил этилган банкнинг бўлими. Бу бўлимда банк фаолиятининг кўлами ва йўналиши, мижозлар сони ҳамда бошқа кўрсаткичларига қараб бир қанча гуруҳлар иш юритади. Бу гуруҳлардаги иш юритувчилар масъул ижрочи деб аталади. Ҳар бир масъул ижрочига бир нечта мижозлар бўлиб берилиб, улар ўзларига бўлиб берилган корхона ва ташкилотларнинг ҳисоб-китоб, касса, валюта ва кредит операциялари бўйича ҳисоб-китоб ишларини олиб борадилар, уларга хизмат кўрсатадилар. Бу гуруҳлар эса ҳисоб гуруҳи дейилади. Бундан ташқари, ҳисоб-операцион бўлимида банклараро ҳисоб-китоблар бўлими, давлат бюджетини касса ижроси бўлими, банк ички операцияларини ташкил этиш бўлими ҳам мавжуд бўлади. Бу бўлимларда ишловчи бухгалтерлар сони ҳам мазкур бўлимда бажариладиган операциялар кўлами билан белгиланади.
Ҳисоб-китоб касса марказлари (ҲККМ) – Марказий банк ҳудудий Бош Бошқармаларининг таркибий тузилмаси бўлиб, заҳира фондлари, айланма кассадаги пул маблағлари ва бошқа қимматликларни сақлайдиган ва улар бўйича операцияларни бажарадиган ташкилот.
Ҳисоб регистрлари - бухгалтерия ёзувларини юритишга мўлжалланган турли шаклдаги жадваллар.
Ҳисоб-китоб чеки - бу ҳисобварақ эгаси (чек берувчи) ўз ҳисобварағидан олувчининг (чек эгаси) ҳисобварағига чекда кўрсатилган суммадаги маблағларни ўтказиб бериш учун банкниниг махсус бланкасида банкга берган топшириғидир.
Ҳисоб-китоблар маркази - бу Ўзбекистон Республикаси Марказий банки ҳудудий Бош Бошқармаларининг бухгалтерия ҳисоби, ҳисоб ва ҳисоб-китоблар бошқармасининг бўлими бўлиб, унинг функциясига банкларнинг вакиллик ҳисоб-китоб варақаларига хизмат кўрсатиш ва банклараро ҳисоб-китобларнинг узлуксизлигини таъминлаш киради.