Glossariy 1-mavzu. Marketing va uni rivojlanishining asosiy bosqichlari

Х(Ҳ)
Хазина – подшоҳ, хон ва амирларнинг пуллари, қимматбаҳо буюм ва бошқа моддий бойликлари сақланадиган жой. Ҳозирги вақтда хазина давлатнинг молиявий заҳиралари мажмуини англатади.
Хазина мажбуриятлари - бу мажбуриятларнинг эгалари томонидан бюджетга пул маблағларини берганликларини тасдиқловчи ҳамда ушбу қимматли қоғозларга эгалик қилишнинг бутун муддати давомида белгиланган даромадни олиш ҳуқуқини берувчи (кўрсатувчи), эгалик қиладиган давлат қимматли қоғозидир.
Халқаро кредит – бу халқаро умумиқтисодий соҳада, бир мамлакат томонидан бошқа мамлакатга вақтинчалик фойдаланишга бериладиган қарз.
Халқаро лизинг – кўпинча бу молиявий лизинг (молиявий лизингни-қаранг) бўлиб, бунда бир томонда чет ел ҳамкори (шериги) туради.
Хатар - қимматли қоғозлар (шу жумладан, инвестициялар) операциялари билан боғлиқ йўқотишлар ва муқаррар равишда уларга хос эҳтимоллардир.
Хежер - нарх-навонинг ноқулай ўзгаришларидан суғурталанишга имкон берувчи биржа операцияларини амалга оширувчи шахс.
Холдинг – бу унинг таркибига бошқа корхоналарнинг акциялар назорат пакети кирадиган очиқ акционерлик жамиятидир.
Хотира пластик картаси – бу маълумотларни хотирасида сақловчи энг оддий электрон карточкадир.
Хусусийлаштириш – бу давлат мулки бўлган объектларнинг ёки акцияларнинг жисмоний ва нодавлат юридик шахслар томонидан сотиб олинишидир.
Хусусий тадбиркорлик - бу жисмоний ёки юридик шахслар томонидан амалда ўзининг шахсий мулки асосида ташкил этиладиган фаолият тури.
Хусусий мулк - бу юридик ва жисмоний шахсларнинг ўзига тегишли бўлган мулки. Улар шу мулкни сотиш, алмаштириш ва назорат қилиш ҳуқуқига эга.
Хусусий банклар – жисмоний шахсларнинг пул маблағлари ҳисобидан ташкил қилинган банклар.
Хусусий капитал – бу устав капитали, қўшилган, заҳира капитали ҳамда тақсимланмаган фойдадан таркиб топади.
Хўжалик операциялари - деб, маблағлар ва уларнинг ташкил топиш манбаларининг ёзма ҳолда акс эттирилган ҳаракатига айтилади.