Glossariy 1-mavzu. Marketing va uni rivojlanishining asosiy bosqichlari

Бошқарув усуллари– бу бошқарувчи тизимча– бошқарув субъектини бошқарилувчи тизимча– бошқарув объектига қўйилган мақсадларга эришиш учун таъсир кўрсатиш усулларидир. Бошқарув усулларини ижтимой ишлаб чиқаришга хос бўлган объектив қонунлар асосида, биргаликдаги меҳнат жараёнида вужудга келадиган муносабатларнинг ўзига хослигини ҳисобга олиш билан таснифлаш энг катта аҳамиятга эгадир. Ушбу аломат бўйича маъмурий, иқтисодий ва ижтимоий-психологик усуллар ажратилади.
Бошқарув қарори – бу ҳаракатларнинг маълум вариантини топиш, фаолият жараёнининг ўзи, унинг якуний натижаси.
Бошқарувнинг мақсади – ишлаб чиқаришнинг ижтимоий-иқтисодий тузим сифатидаги эришилиши керак бўлган исталган, эҳтимол бўлган ва зарур ҳолати. Бошқарув мақсадини белгилаш – бошқарув жараёнининг бошланғич босқичидир. Бошқарув мақсади раҳбар фаолиятини йўналтирувчи омил бўлади. Бошқарув мақсади талаблар, қонунларга мос келиши ва тизим ривожланишининг ҳақиқий имкониятларини ҳисобга олиш билан белгила- ниши керак. Бошқарув мақсади истиқболли ва бевосита умумий ва хусусий, оралик ва якуний сифатида тавсифланади.
Бошқарувчанлик кўлами – бу бошқарув идорасининг бошқариш қобилияти ва бошқарув объектининг мураккаблиги ўртасидаги нисбат.
Ваколат – вакиллик хукуки булса, маъсулият бирор иш, ҳатти-ҳаракат оқибати, натижаси учун бўлган жавобгарликдир.
Вазифа – бу амалга оширилиши,хал килиниши лозим булган масала,ишилиши лозим булган, кузда тутилган максад, ёки бирор бир топширик, хизмат, юмуш, хизмат лавозими, мансаб амал.
Вазирлик – бу ўзига тегишли тармоқнинг хўжалик тизимида бошқаришнинг энг олий буғинидир.
Кенгаш – бу муайян масалани муҳокама этиш ва оқилона қарор қабул қилиш мақсадида уюштириладиган мажлисдир.
Концерн – бу ишлаб чикаришнинг диверсификацияси асосида таркиб топадиган йирик, куп тармокли корпорациядир.
Корпорация – бу ривожланган йирик акционерлар жамияти ва трестлар бирлашмасидир.
Консенсус – бу карорларни ишлаб чикиш жараёнида барча бахсли масалалар вав турли-туман фикрлар юзасидан бир битимга келиш ёки келишишдир.