Glossariy 1-mavzu. Marketing va uni rivojlanishining asosiy bosqichlari

МАРОСИМ – 1) диний ёки анъанавий урф-одатлар муносабати б-н ўтказиладиган маърака, йиғин: диний маросимлар, тўй маросимлари, дафн маросими ва б; 2) тантаналар б-н ўтказиладиган расмий йиғин: юбилейлар, мукофот бериш маросими, ҳайкалнинг очилиш маросимлари ва б.
МАЪНАВИЯТ (араб. «маънавият» – маънолар мажмуи) – кишиларнинг фалсафий, ҳуқуқий, эстетик, бадиий, ахлоқий, диний тасаввурлари ва тушунчалари мажмуи. М. мафкура, тафаккур тушунчаларига яқин ва улар бир-бирларини тақозо этади. Одамзод пайдо бўлиб, кўп минг йиллик тараққиёт жараёнида ўзини ўраб олган табиатни, турли ҳодисалар, воқеалар, ҳаётий жараёнларни кузатган, уларнинг сабаблари ва қонуниятлари тўғрисида мушоҳада қилган, турли тасаввур ва тушунчалар ҳосил қилиб келган.
МАЪРИФАТ (арабча «арафа» – «билмоқ» сўзидан) – таълим-тарбия, иқтисодий, сиёсий, фалсафий, диний ғоялар мажмуи асосида кишиларнинг онг-билимини, маданиятини ўстиришга қаратилган фаолият. «М.» тушунчаси «маънавият» ва «маданият» тушунчалари билан чамбарчас боғлангандир; М. тарихи жамият тарихининг ажралмас қисмидир. М. ҳақида кўплаб фикрлар билдирилган. Сўфийлар назарида тариқатнинг давоми ва ҳосиласи М.дир. У фикрдан ўзиб кетадиган ва шубҳага заррача асос қолдирмайдиган илмдир.


МИЛЛИЙ МАДАНИЯТ – маълум бир элат, миллат, халқ томонидан узоқ тарихий ривожланиш жараёнида яратилган, уларнинг ижтимоий-маданий эҳтиёжларини ифода этган моддий ва маънавий бойликлар мажмуи. М.м.га тил, турмуш тарзи, менталитет, урф-одатлар, дин, халқ ижоди, архитектура, адабиёт, мусиқа, ахлокий-маънавий қадриятлар ва ҳоказолар киради.


МАҚОМ (араб. – жой, макон, ўрин) – мусулмон Шарқи мусиқасида асосий тушунчалардан бири. Дастлаб муаиян баландликдаги товушни ҳосил этиш учун торли чолғунинг дастасида бармоқ б-н босиладиган жой, парда маъносида ишлатилган. Кейинчалик Шарқ мусиқа назарияси ривожланиши жараёнида М.нинг мазмун доираси тобора кенгайиб, бир-бирига нисбатан боғлиқ бошқа маъноларни ҳам англата бошлади: лад тузилмаси, лад тизими; муайян пардалар заминида вужудга келган куй-оҳанглар; шакл, жанр; бир қисмли ёки туркумли чолғу ва ашула йўллари; мусиқий услуб ва б.


МИЛЛИЙ ҚАДРИЯТЛАР – миллат учун муҳим ва жиддий аҳамиятга эга жиҳатлар, хусусиятлар, моддий ва маънавий бойликлар. М.қ.и бўлмаган миллат ёки элат йўқ. Миллат – М.қ.нинг соҳиби; миллатнинг таназзули – М.қ.нинг таназзулидир. М.қ.миллатнинг тарихи, яшаш тарзи, келажаги, уни ташкил этган авлодлар, ижтимоий қатламлар, миллий онг, тил, маънавият ҳамда маданият билан узвий боғлиқ ҳолда намоён бўлади.