Glossariy 1-mavzu. Marketing va uni rivojlanishining asosiy bosqichlari

Новербал ахборотлар – жўнатувчи томонидан сўзлардан фойдалан- масдан юборилган ахборотлар.
Норасмий жамоа –бу одамларнинг сиртқи таъсир натижасида эмас, балки ички сабаб натижасида вужудга келган гуруҳи, у маълум мақсадларга эришиш учун вақтинчалик ўзаро ҳамкорликка киришади.
Органик (мослашувчан) ташкилот – эгилувчан тузилма билан таърифланувчи, мақсадлар, вазифалар, хизматларни ўзгаришлари, ташқи муҳитдаги ўзгаришлар, фаолият шароитларига тез маслашувчи ташкилот. Расмий ташкилот, гуруҳ – маъмуриятнинг истагига кўра маълум вазифаларни бажариш учун ташкил қилинган ташкилот, гуруҳ.
Раҳбарни ўзини ўзи бошқариши – раҳбар томонидан кунлик амалиётда ишнинг синалган усулларидан изчил ва мақсадга қаратилган ҳолда фойдаланилиши, унинг ўзини ўзи ривожлантириши.
Режалаштириш – бошқарувнинг ташқи муҳитнинг вазиятлари ва омилларини таҳлил қилиш, мақсадларга эришишнинг муқобил вариантларини башоратлаш, мувофиқлаштириш, баҳолаш, тизимнинг бўлғувси ҳолати, унга етишиш йўллари, усуллари ва воситаларини белгилаб берувчи режаларни ишлаб чиқишдан иборат бўлган вазифаларидан биридир. Компаниялар даражасида режалаштириш стратегик ва бизнес–режалар шаклида амалга оширилади. Умуммиллий даражада у индикатив йўналтирувчи ҳарактерга эга. Режалаштиришда иқтисодий–математик, мувозанатли усуллар ва ҳам эксперт баҳоларидан фойдаланилади.
Синергетик самара – бу шундан иборатки, ташкилотнинг ягона бир бутун сифатидаги салоҳияти ва имкониятлари унинг алоҳида элементларининг салоҳиятлари ва имкониятларидан ошиб кетади, бу нарса уларни ўзаро қўллаб-қувватланишлари ва тўлдирилишлари билан асосланган.
Ижтимоий–психологик бошқарув усуллари – бу ходимларнинг сало- матлиги ва жамоадаги яхши маънавий -руҳий ҳолатни сақлаш, қонунлар ва меъёрий ҳужжатлар талабларига риоя қилиш шароитида қўйилган мақсадга эришиш бўйича жамоа (ходим)даги ижтимоий–психологик жараёнларни бошқаришга қаратилган усулдир.
Социограмма – социометрия маълумотларини график тасвирлаш усули. Бошқарув учун гуруҳнинг социограммасини билиш мажбурийдир, чунки раҳбар гуруҳли вазифаларни ҳал қилиши учун биринчи учта гуруҳларнинг обрўсидан фойдаланиши ва кейинги гуруҳларга бу ходимларнинг психологик статусини ошириш ва уни ривожланганлиги даражасини ошириш мақсадида таъсир кўрсатиши керак.