Glossariy 1-mavzu. Marketing va uni rivojlanishining asosiy bosqichlari

Устав фонди - 1. пул маблағларининг йиғиндиси, корхона ёки ташкилотларнинг ўз иш фаолиятини олиб бориш учун ўрнатилган маълум бир сумма; 2. банк фаолиятини ташкил этиш унинг устав фондини яратишдан бошланади. Устав фонди юридик ва жисмоний шахсларнинг жамғармаси ҳисобидан яратилади ва мажбуриятларни бажариш учун хизмат қилади.
Устав капитали – бу таъсис ҳужжатларида белгиланган ҳиссаларнинг (пул ифодасидаги) йиғиндисидир. Устав капиталига ҳисса шаклида қўшиладиган моддий ва номоддий активлар таъсисчилар келишувига ёки юридик шахс ижроия органининг қарорига кўра баҳоланади ва ҳисобга олинади.
Уюштирилмаган жамғармалар - бу аҳоли қўлида сақланаётган жамғармалардир. Бу жамғармалар турли кўринишда сақланиши мумкин. Масалан: пул кўринишида, товар-моддий бойликлар шаклида, қимматбаҳо металлар шаклида, кўчмас мулк шаклида ва бошқа кўринишларда сақланиши мумкин.
Узоқ муддатли кредитлар - Беш йилдан ортиқ муддатга (ишлаб чиқариш ва ижтимоий мақсадларга мўлжалланган объектларни қуриш, қайта таъмирлаш ва техник қайта жиҳозлашга доир харажатлар билан боғлиқ) инвестисия мақсадлари учун бериладиган ссудалар.
Ўтказма аккредитив – бу аккредитивнинг хусусияти шундаки, буни бошқа шахсга ўтказиш мумкин.
Ўрта корхоналар - мулкчилик шаклидан қатъий назар, иш билан банд бўлган ходимларнинг ўртача йиллик ҳисобида кичик корхоналар учун белгиланганидан ортиқ, бироқ саноат соҳасида 100 кишидан юқори бўлмаган, қурилишда 50 кишидан, қишлоқ хўжалиги ва бошқа ишлаб чиқариш соҳаларида, улгуржи савдо 30 кишидан, чакана савдода, хизмат кўрсатиш соҳаси ва бошқа ноишлаб чиқариш тармоқларида 20 кишидан кўп бўлмаган корхоналар.


Ф
Факторинг - банклар ва бошқа молиявий ташкилотларнинг корхоналар қарзларини (етказиб берилган ва бажарилган хизматларга ҳақ тўлаш бўйича мажбуриятларини) ўз зиммасига олишидан иборат бўлган молиявий-тижорат хизмат тури.
Факторинг компанияси - корхона ва ташкилотларнинг етказиб берилган моллар ва бажарилган иш ёки кўрсатилган хизматларга ҳақ тўлаш бўйича мажбуриятларини ўз зиммасига олувчи компания.
Фирма - итальянча сўздан олинган бўлиб, «имзо» деган маънони англатади. Юридик шахс ҳуқуқларидан фойдаланиши мумкин бўлган хўжалик, саноат ва савдо корхоналари ёки мустақил фаолият юритадиган шаҳобча.