Глоссарий авизо

Ссуда-қарзга бериладиган пул ссуда дейилади.
Субстандарт - бу активлар аниқ ифодаланган камчиликларга эга бўлиб, бу ҳолат дастлабки шартномага мувофиқ қарз қайтарилиши шартларининг бажарилишига шубҳа уйғотади. Субстандарт сифатида таснифланган активлар бўйича тижорат банклар қарзини тўланмаган суммаси 25 фоизига тенг бўлган заҳиралари иккилантириши лозим.
Субстандарт кредитлар-2 тўлов даврида фоиз йиғиндиси тўланмаган кредитлардир.
Суғурталаш-банкнинг амалга ошираётган операцияларида юзага келиши мумкин бўлган рискларни маълум бир суғурта бадали асосида суғурта компаниялари томонидан кўрилган зарарни қоплаб бериш шартномасини тузиш.
Сўнгги усул - мамлакатнинг олтин валюта резервларини ишлатиш йўли билан тўлов баланси дефицитини қоплашга айтилади.
Таклиф фоиз ставкаларининг хар кандай даражасида инвестицияларни канча микдорда маблағ бера олишига тайёр эканлигини курсатади.
Талаб деганда корхона ва уй хужаликларини турли бахо даражасида-фоиз ставкасига карамай жами маблағ микдорини карзга олишга рози булган холатни назарда тутади.
Тасдиқланган кафолатлар- кафолатларни тасдиқлаш шаклида намоён бўлади. Масалан, банк ўз мижози бўлган импортёрнинг тўлов мажбуриятлари бўйича кафолат берган бўлса, экспортёрнинг банки ҳам ушбу кафолатлар бўйича мажбуриятни ўз зиммасига олади. Бу эса, мавжуд кафолатларни тасдиқлаш йўли билан амалга оширилади.
Таснифий баҳолаш модели- кредитни баҳолашнинг балли модели (рейтинг услуби) ва банкротликни башорат қилиш (MDA – Multiple Discriminate Analysis га асосланган статистик баҳолаш) моделларига асосланади.
Таълим кредитлари - тижорат банклари филиаллари томонидан олий таълим муассасаларининг кундузги бўлимларига тўлов-контракт асосида қабул қилинган Ўзбекистон Республикаси фуқороси бўлган талабаларнинг ўқиши учун талабаларнинг ўзларига, уларнинг ота-оналарига ёки васийларига берилиши мумкин.
Таъминланмаган кредитлар-бирор бир таъминотсиз берилган кредитлар.