Глобаллашувнинг фалсафий муаммолари

Таълим муаммоси.

Таълимнинг ижтимоийлашуви ўқув жараѐни гуманиттар фан ларнинг ўқув соатлари ѐки фанлар сонини кўпайтириш эмас балки, табиий илмий фанлар мазмунини гуманитарлаштириш, ҳар қандай илмий кашфиѐтни инсон манфаатларини ҳимоя
қилишга йўналтириш лозим. Шундагина инсон ўз мавжуд-
лигини сақлаб қолиш имкониятига эга бўлади.

Соғлиқни сақлаш.

Аҳоли сони ва унинг яшаш шароити, шунингдек атроф муҳит ҳолати
ҳозирги даврнинг яна бир глобал муаммоси билан узвий боғлиқ. Аксарият касалликлар ва атроф муҳитдаги антропоген ўзгаришлар ўртасида бевосита ва билвосита алоқа мавжуд. Ҳозирги одамлар авлодига атроф муҳит ифлосланишининг ҳали ўрганилмаган ѐки кам ўрганилган кўп сонли физик (аввало электромагнит), кимѐвий
ва биологик омиллари таъсир кўрсатмоқда. Аввало, иқтисодий ривожланган мамлакатлар аҳолиси касалликларининг таркиби ва хусусиятида юз берган ўзгаришлар айни шу ҳол билан изоҳланади.
Оммавий касалликлар ва умрнинг сезиларли даражада қисқариши сабабларидан бири озиқ-овқат муаммосидир. Хусусан, сурункали тўйиб овқат емаслик ва номутаносиб овқатланиш кам ривожланган мамлакатлар аҳолисида оммавий тарзда намоѐн бўлаѐтган муттасил оқсил очлиги
ва витамин тақчиллигига олиб келмоқда. Натижада жаҳонда ҳар йили очликдан бир неча ўн миллионлаб одамлар, катталардан кўра кўпроқ болалар ҳалок бўлмоқда.

Иқтисодий ривожланишнинг нотекислиги.

Ривожланаѐтган мамлакатларни қолоқликдан чиқариш ва янги халқаро иқтисодий тартиб ўрнатиш ҳозирги даврнинг глобал муаммолари орасида алоҳида ўрин эгаллайди, чунки бу ерда вужудга келган халқаро муносабатлар тизими
беқарорлашувининг кучли омиллари яшириниб ѐтади.

Энергетика ва хом ашѐ ресурслари.

Яна бир глобал муаммо – инсониятни энергетика ва хом ашѐ ресурс- лари билан таъминлаш халқаро майдонда кўп сонли зиддиятлар, шу жумладан ҳарбий можаролар манбаига айланди. Бу ресурслар моддий ишлаб чиқаришнинг негизи ҳисобланади ва ишлаб чиқариш кучларининг ривожланишига қараб инсон ҳаѐтида тобора муҳимроқ рол ўйнайди.
Мазкур ресурслар тикланадиган, яъни табиий ѐки сунъий йўл билан тиклаш мумкин бўлган ресурсларга (гидроэнергия, ѐғоч, қуѐш энер- гияси ва ш.к.) ва миқдори мавжуд табиий заҳиралар билан чегара- ланган тикланмайдиган ресурсларга (нефть, кўмир, табиий газ,