Globallashuv asoslari

Vatanparvarlik bu: 
1.  O‗x xalqining tarixini yaxshi bilish va undan g‗ururlanish 
2.  Buyuk  ajdodlar  tomonidan  yaratilgan  moddiy  va  ma‘naviy  merosni  ko‗z  qorachig‗idek  asrab, 
kelgusi avlodlarga etkazish 
3.  Ajdodlar  urf-odat,  rasm-rusm,va  udumlarini,  merosini  o‗rganib,uning  qadriyatga  aylangan 
qismini davom ettirish.    
4.  davlatimiz  kelajagi  istiqlolning  barqarorligi,  kelajakning  buyukligini  chin  dildan  his  etish, 
shunday  kelajakni  barpo  etishga  astoydil  ko‗maklashish,  yuzlab  fazilatlar  kabi  xususiyatlarni 
anglatadi.  
Vatan va uning ravnaqi tushunchasi istiqlol yo‗llarida alohida  ahamiyat kasb etadi. 
Istibdod  davridagi hukmron kommunistik mafkura bor kuchini kishilar ongidagi Vatan 
tushunchasini buzib, soxta, mavhum sovet vatani g‗oyasini singdirishga sarflagan. «O‗zbekiston-
Vatanim manim» deyish millatchilik sifatida baholanib, minglab vatandoshlarimizni qatog‗on 
domiga tortib ketgan. 
Vatan ravnaqi  - Milliy istiqlol mafkurasining I.A.Karimov tomonidan asoslab berilgan 
g‗oyalaridan biri. Prezidentimiz Vatan ravnaqi g‗oyasini ilgari surar ekan, uning mazmunini – 
har bir kishining manfaatlarini yurt manfaatlari bilan uyg‗unlashtiruvchi, uni xalq baxt-saodati 
yo‗lida xizmat qilishga undovchi bunyodkor g‗oyadir, deb ta‘riflaydi. Zero, u milliy istiqlolning 
oliy maqsadi – O‗zbekistonda yashayotgan barcha fuqarolarning El-yurt kamoli bilan bog‗liq 
orzu-umidlarini amalga oshirishni ifodalaydi. 
Vatan ravnaqi, avvalo, uning farzandlari kamoliga bog‗liq.  Bu esa har bir 
yurtdorshimizni o‗zining ma‘naviy kamoloti uchun yuksak mas‘uliyatni his etishga o‗z 
manfaatlarini shu yurt, shu xalq manfaatlari bilan uyg‗unlashtirib yashashga da‘vat etadi. Bu esa 
vatanparvarlik tuyg‗usida namoyon bo‗ladi. 

---

Vatan ravnaqi g‗oyasini amalga oshirish bevosita jamiyatning ijtimoiy, siyosiy, iqtisodiy, 
ma‘naviy-madaniy rivojlanishiga bog‗liq. Bunda  
birinchidan, hozirgi ijtimoiy barqarorlik, millatlararo totuvlik, diniy bag‗rikenglik, 
jamiyatni boshqarishda ommaviy tashkilotlarning (xususan mahallaning) mavqeini oshirish, 
aholini ijtimoiy himoya qilish tamoyillari nihoyatda muhim.  
Ikkinchidan, hayotda demokratik tamoyillarning ustuvorligi, muqobil partiyalar, 
jamiyatning barcha jabhalarini erkinlashtirish, davlatning islohotchilik funksiyasi, aholi siyosiy 
ongi va madaniyatini oshirish katta ahamiyatga ega.  
Uchinchidan, bozor munosabatlariga xos muqobil mulkchilikning shakllanishi, 
iqtisodiyotning tarkibiy tizimidagi o‗zgarishlar, kichik va o‗rta biznes, ishbilarmonlik va 
tadbirkorlikni rivojlantirish, iqtisodiyotni erkinlashtirish, tashqi iqtisodiy aloqalarni kuchaytirish 
bunda muhim omil bo‗lib xizmat qiladi.  
To‗rtinchidan, tarixiy merosimizning tiklanishi, aholi intellektual salohiyatini oshirish, 
Fan va ilmiy muassasalar, san‘at va adabiyotni rivojlantirish, komil insonni tarbiyalash bo‗yicha 
milliy ta‘lim dasturining qabul qilinishi va izchil amalga oshirilishi, xalqaro madaniy aloqalarni  
kuchaytirish ham vatan ravnaqiga xizmat qiladi. Beshinchidan, mamlakatimiz hayotining barcha 
sohalarida qonun ustuvorligiga erishish, huquqIy- demokratik jamtiyat qurish sohasidagi 
tajribalar, davlatimizning xalqaro huquq normalariga amal qilishi Vatan ravnaqini 
ta‘minlaydigan  shart-sharoitlardir. 
Vatan ravnaqi g‗oyasi har bir insonning taqdirida o‗z ifodasini topadi, kelajak avlodlarga 
ozod va obod Vatan qoldirish uchun hammaga birdek mas‘uliyat va majburiyat yuklaydi. Uni 
anglash esa, inson kamolotining muhim mezoni. Bu g‗oya har bir yurtdoshimizni o‗zining 
ma‘naviy kamoloti uchun yuksak mas‘uliyatni his etishga, o‗z manfaatlarini shu yurt, shu xalq 
manfaatlari bilan uyg‗unlashtirib yashashga da‘vat etadi.    
 Jismonan baquvvat, ma‘nan etuk va intelektual salohiyati yuksak yoshlarimiz 
vatanimizning ravnaqini ta‘minlashda muhim rol o‗ynaydi. Jamiyat hayotining turli sohalarida 
faoliyat yuritayotgan yoshlarimiz, fuqarolarimiz bugungi kunda ana shu g‗oya ostida faoliyat 
yuritib, malakatimizning yuksalishida o‗z hissalarini qo‗shmoqdalar.