Global iqtisodiy rivojlanish

Tayanch iboralar
Globallashuv, transmilliy korporatsiyalar, jahon savdo tashkiloti, baynalmilallashuv, transmilliy banklar, giperglobalizm, skeptitsizm, global siyosat, “transformatsion” yondashuv, jahon-iqtisodiyot tizimi konsepsiyasi, glokalizatsiya nazariyasi, “Vashington konsensus”, turbulentlik.

Nazorat uchun savollar
1. Globallashuv atamasini birinchi marta qachon va kim tomonidan qo‘llanilgan?
2. Hozirgi kunda globallashuv atamasining talqiniga qandan yondashuvlar mavjud?
3. Globallashuv haqidagi ilmiy g‘oyalarning 1950 yildan hozirgi kungacha rivojlanish nazariyalarini tushuntiring.
4. Globallashuvning sohalar va yuzaga kelish jihatlari bo‘yicha shakllarini tushuntiring.
5. S.Xantingtonning zamonaviy dunyoning sakkiz sivilizatsiyasi haqidagi nazariyasini tushuntiring.
6. P.Xirst va G.Tompson boshqaruv organlarining uchta darajadagi o‘zaro munosabatlarining qaysi shakllarini belgilab beradi?
7. Rim klubi tomonidan ishlab chiqilgan tahliliy ma’lumotlar qaysilar?
8. Globallashuv nazariyalarining bugungi kungacha bo‘lgan taraqqiyotida asosan qanday muhim nazariyalarga ajratiladi?
9. I.Vallerstayn tomonidan ishlab chiqilgan konsepsiyani tushuntiring.
10. “Vashington konsensus” tomonidan ishlab chiqilgan “Jahon savdosini isloh etishning 10 tavsiyasi”ning mohiyatini tushuntirib bering.
III BOB. JAHON IQTISODIYOTI GLOBALLASHUVINING HARAKATLANTIRUVCHI KUCHLARI, BELGILARI VA SHAKLLARI. JAHON IQTISODIYOTINING GLOBALLASHUV OMILLARI VA RIVOJLANISH BOSQICHLARI


3.1. Jahon iqtisodiyoti globallashuvini harakatlantiruvchi kuchlari

Jahon xo‘jaliginining globallashuvi milliy iqtisodiyotni baynalmilallashtirish bosqichi bo‘lib, unda jahon xo‘jaligi butunlay yangi, ilgari mavjud bo‘lmagan sifat va xususiyatlarni kasb etadi. Ushbu xususiyatlar sifatida quyidagilarni ko‘rsatib o‘tish mumkin (3.1-rasm):

- jahon xo‘jaligi yaxlitligining keskin ortishi;