Global iqtisodiy rivojlanish

Davlat budjeti
davlat daromadlari va sarflarining moliyaviy rejasi.
Deflyatsiya	inflyatsiya davrida muomaladagi qog‘oz pulni kamaytirish. Davlat tomonidan muomaladagi pul miqdorini kamaytirishga qaratilgan moliya va pul - kredit tadbirlarini qo‘llash orqali amalga oshiriladi.
Diversifikatsiya	(lotinchadan diversus - har xil va facere-qilmoq, bajarmoq) – ishlab chiqarishning samaradorligini oshirish, mahsulot va xizmatlarni sotish bozorlarini kengaytirish maqsadida tarmoq va korxonalar faoliyat sohalarini kengaytirish, mahsulot va xizmatlar assortimentlarini ko‘paytirish.
Yevropa Ittifoqi (YeI)	Yevropaning 27 ta davlatini birlashtiruvchi iqtisodiy va siyosiy guruh.
Yevropa tiklanish va taraqqiyot banki (YeTTB)	1991 yilda o‘z faoliyatini boshlagan, 34 mamlakati uning ta’sischilari hisoblanadi. YeTTBning asosiy vazifalari loyihalarni moliyalashtirish va kreditlash, xususiy kapital qo‘yilmalarga kafolatlar berish, iqtisodiyot tuzilishini qayta qurish yuzasidan tavsiyalar ishlab chiqarish.
Yevropa valyuta tizimi (YeVT)	YeI a’zolarining hududiy valyuta guruhi.
UNCTAD	bu tashkilot 1964 yilning 30 dekabrida tashkil topgan bo‘lib, unga BMTning barcha a’zo mamlakatlari va boshqa davlatlar ham kiradi. Vazifasi: xalqaro savdoning rivojlanishiga xomiylik qilish, uning huquqiy asoslarini ishlab chiqish, xalqaro savdo, shuningdek, xalqaro savdo bilan bog‘liq bo‘lgan tashkilotlar faoliyatini muvofiqlashtirishdan iboratdir.
Jahon banki	1944 yilda Xalqaro valyuta jamg‘armasi bilan bir vaqtda tuzilgan birinchi davlatlararo investitsiya institutidir, o‘z faoliyatini 1946 yil 25 iyunda boshlagan.
Jahon bozori	moddiylashtirilgan va moddiylashtirilmagan ko‘rinishidagi ijtimoiy mahsulotni ishlab chiqarish, taqsimlash, ayirboshlash va iste’mol bosqichlarni o‘z ichiga oluvchi xalqaro iqtisodiy munosabatlar sub’ektlarining (milliy va hududiy iqtisodiyotlar, xalqaro tashkilotlar va korporatsiyalarning) o‘zaro iqtisodiy ta’sirlashish global muhitidir.