Гистология цитология ва эмбриология проф. Қ. Р. Тўхтаев таҳрири остида

полирибосомаларни ёки полисомаларни
ҳосил қилади. Полисомалар ҳам 
алоҳида рибосомалар каби эркин ѐки мембрана билан бириккан бўлиши 
мумкин. Эркин полисомалар одатда ҳужайранинг ички эҳтиѐжлари учун 
мўлжалланган оқсиллар ва ферментларни синтезласа (конститутив синтез), 
эндоплазматик тўр мембраналари билан бириккан рибосомалар кўпроқ 
ҳужайрада тўпланувчи ва ташқарига чиқарилувчи оқсилларни синтезлайди 
(экспорт учун синтез, расм 2.6). Рибосомалар учун зарур бўлган рРНК ва 
рибосомал оқсиллар синтези ДНК томонидан кодлаштирилган ҳолда 
ядрочада амалга оширилади. Шу ерда улар қўшилиб, кичик ва катта 
суббирликларни ташкил этади ва ядро тешиклари комплекси орқали 
цитоплазмага чиқарилади. Рибосома суббирликларининг бирлашиши 
цитоплазмада рўй беради. 
Рибосомаларнинг 
асосий вазифаси 
трансляция
, яъни, ядродан 
информацион РНК (и-РНК) орқали берилган генетик ахборотни ўқиш ва 
шунга асосан аминокислоталар конденсациясини, ҳамда уларнинг 
полипептид занжирга терилиб, маълум бир оқсилнинг синтезланишини 
таъминлашдир. Бу ерда матрица ролини и-РНК (мРНК) бажариб, у ўз 
навбатида ядрода ДНК матрицасида жойлашган генетик ахборотнинг РНК 
нусхаси бўлиб ҳисобланади (
транскрипция
). Информацион РНК ядродан 
чиқиб, рибосомаларга ўтади. Рибосома юзасида транспорт РНК (т-РНК) ва 
аминокислоталар комплекси билан и-РНК нинг комплементар нуклеотидлари 
ўзаро таъсир қилади. Шундай қилиб, рибосомалар ҳужайра оқсиллари 
синтезида энг муҳим ўрин тутади.

---

Расм 
2.6. 
Рибосомаларнинг 
оқсил 
синтезида 
иштирокининг 
соддалаштирилган схемаси. 
Эндоплазматик тўр 
Эндоплазматик тўр (ЭТ) электрон микроскоп яратилгандан сўнг 1945 
йилда Портер томонидан таърифланган. Эндоплазматик тўрнинг (ЭТ) 
мембранасида рибосомалар бўлишига ѐки бўлмаслигига қараб