Гистология цитология ва эмбриология проф. Қ. Р. Тўхтаев таҳрири остида

Базофил лейкоцитлар ёки базофиллар
.
Улар нейтрофил ва 
эозинофилларга нисбатан майдароқ бўлиб, ўртача диаметрлари қонда 7-8 
мкм, қон суртмаларида эса 10-12 мкм га тенг. Базофиллар, лейкоцитлар 
ичида энг кам сонли ҳужайралар бўлиб, физиологик шароитларда улар 
лейкоцитлар умумий миқдорининг 0,5-1 % ини ташкил этади. Базофил 
лейкоцитлар ядроси кўпинча 2 сегментдан иборат бўлиб, ҳужайра 
органеллаларининг тузилиши жиҳатидан нейтрофил ва эозинофиллардан 
деярли фарқ қилмайди. Базофиллар цитоплазмасидаги махсус доначаларнинг 
тузилиши ва бўялиши уларни бошқа донадор лейкоцитлардан ажратишга 
имкон беради. Базофил доначалари Романовский усули билан бўялганда 
ўзларига ишқорий бўѐқларни яхши қабул қилиб, ҳар хил, яъни пушти 
бинафшадан тортиб қора ранггача бўялади. Базофил доначаларининг бу 
хусусияти, яъни бўѐқ рангига хос бўлмаган тусни олиши 
метахромазия 
деб 
номланади ва доначалар таркибидаги махсус гликозаминогликан - гепарин 
билан боғлиқ. 
Электрон микроскоп остида кўрилганда базофил доначаларининг бир 
хил тузилишга эга эмаслиги аниқланган. Доначалар анча йирик (диаметрлари 
0,4-1,2 мкм) бўлиб, юмалоқ ѐки овал шаклга эгадир. Уларнинг мағзида бир-
бирига параллел йўналган кўп сонли тузилмалар кўринади. Доначалар 
таркибида 
гепарин, гистамин ва серотонин (5-окситриптамин)
борлиги 
аниқланган. Базофиллар таркибида қондаги барча гистаминнинг ярми 
мужассамлашгандир. Улар гепаринга ҳам бой. Базофиллар таркибида 
гликоген, кислотали фосфатаза ва пероксидаза ҳам учрайди. Булардан 
ташқари, доначаларда махсус 
гистидиндекарбоксилаза
ферменти бўлиб, у 
гистидиндан гистамин синтезланишини таъминлайди. Шундай қилиб, 
химиявий таркиби бўйича базофил лейкоцитлар бириктирувчи тўқиманинг 
семиз ҳужайралари ѐки тўқима базофилларига жуда ҳам яқин туради. Ўз 
таркибида кўп миқдорда гепарин ва гистамин сақловчи бу ҳужайралар 
аллергик реакцияларда ва иммунитет процессларида фаол иштирок этади. 
Улар организмда аллергенларнинг махсус IgE антителолар билан ҳосил 
қилган комплексига жавобан ўз доначаларини чиқаради (дегрануляция). 
Натижада, ажралиб чиққан гистамин ва бошқа биологик актив медиаторлар 
тўқималар ички муҳитининг ўзгаришига ва аллергия пайдо бўлишига олиб 
келади. Базофилларнинг ҳаѐтий цикли 10-12 суткадан иборат бўлиб, 
эозинофиллардан деярли фарқ қилмайди.