Гистология цитология ва эмбриология проф. Қ. Р. Тўхтаев таҳрири остида

апоптоз 
жараѐнида муҳим 
рол ўйнайди. Цитоплазмада бу оқсил ҳужайравий тузилмаларни парчаловчи 
каспазлар синфига оид протеаза ферментларини фаоллайди. Протеазалар 
таъсирида ҳужайра апоптоз йўли билан нобуд бўлади.
Рибосома 
Гарчан рибосома мембранасиз органелла бўлсада, у оқсил синтези ва 
эндоплазматик тўр билан чамбарчас боғлиқ бўлганлиги учун уни 
мембранали органеллалар билан биргаликда кўриб чиқиш мақсадга 
мувофиқдир. Маълумки, оқсил синтези жараѐнида уч хил РНК иштирок 
этади. Матрица ѐки информацион РНК (иРНК ѐки мРНК) ўзида юзлаб ва 
минглаб нуклеотидлар тутиб, генетик информацияни ядродан цитоплазмага 
етказиб беради (транскрипция) ва рибосомаларда полипептид занжирларни 
йиғишда бевосита иштирок этади (трансляция). Транспорт РНК (тРНК) ўзида 
80га яқин нуклеотидлар тутиб, аминокислоталарни ўсаѐтган полипептид 
занжирга боғлаш учун рибосомаларга етказиб беради. Бошқача қилиб 
айтганда, тРНК нуклеотидлар кетма-кетлигини аминокислоталар кетма-
кетлигига ўтказиб беради. Рибосомал РНК (рРНК) полипептидлар занжирини 
йиғиш давомида иРНК ва тРНК билан ҳамкорлик қилади ва оқсиллар, шу 
жумладан ферментлар билан биргаликда рибосомаларни ҳосил қилади. 
Рибосомалар (Палад доналари, рибонуклеопротеид доналари) зич думалоқ 
шаклдаги диаметри 15-30 нм келадиган мембранасиз тузилмалардир. 
Митохондриал (майда, седиментация константаси 60 S) ва цитоплазматик 
(йирик, седиментация константаси 80 S) рибосомалар фарқланади. 
Цитоплазматик рибосомалар 
мембрана билан бириккан
(донадор 
эндоплазматик тўр ва ташқи ядро мембранаси) ѐки 
эркин
ҳолда жойлаган 
бўлиши мумкин. Ҳар бир рибосома икки – катта (50 S) ва кичик (30 S) 
суббирликлардан иборат бўлиб, орасида ѐриқ кўринади. Ҳар бир суббирлик 
битта юқори полимер рибосомал РНК молекуласини ва оқсилни тутувчи 
рибонуклеотид моддасини сақлайди. Рибосомал оқсиллар таркибига актив 
бўлмаган рибонуклеаза, латент ҳолатдаги дезоксирубнуклеаза, активлашган 

---

лейцинаминопептидаза, β- галактозидаза ва бошқа ферментлар киради. 
Рибосома ўзида кўп миқдорда магний ва сезиларли оз миқдорда кальций 
тутади. Кўпчилик ҳолатларда бир неча (5-10) цитоплазматик рибосомалар 
иРНК молекуласи атрофида бирлашиб, рибосомалар мажмуасини –