Гистология цитология ва эмбриология проф. Қ. Р. Тўхтаев таҳрири остида

интердигитациялар
 
тез ўзгарувчан тузилма 
бўлиб, бунда бир ҳужайранинг бармоқсимон цитоплазматик ўсиқчалари 
қўшни ҳужайранинг худди шундай ўсиқчалари орасига кириб бирлашади. 
6. 
Синапслар ва синаптик бирикиш.
 
Бу боғланиш нерв ҳужайралари 
учун хос. Синапс икки нерв ҳужайраси орасида - нейронлараро синапс ѐки 
нерв ва нерв бўлмаган тузилмалар (рецептор ва эффекторлар) орасида 
бўлиши мумкин («Нерв тўқимаси»-га қ.). 
Базал плазматик мембрананинг махсус тузилмалари.
Кўпчилик 
эпителий ҳужайраларнинг базал плазматик мембранаси текис. Лекин сув ва 
ионларнинг транспортида иштирок этувчи ҳужайраларнинг базал плазматик 
мембраналари текис бўлмай, кўпгина бурмалар ҳосил қилади. Бурмаларнинг 
катталиги турли ҳужайраларда турлича бўлади. Масалан, кўзнинг олдинги 
камераси ҳужайралари, миянинг хориоидал чигали ҳужайраларидаги 
бурмалар сон жиҳатидан кам ва юза жойлашган бўлади. Лекин буйрак 
нефронининг проксимал, дистал қисмларидаги, безларнинг сўлак чиқарув 
найларидаги ҳужайралар натрий ионини концентрацияси юқори бўлган 
муҳитга ҳайдагани учун базал плазматик мембрана бурмаси кучли 
ривожланган. Базал плазматик мембрана бурмаси орасида йирик 
митохондриялар бор. Бундай базал плазмолеммада ионларнинг актив 
транспортида иштирок этувчи натрий ва калий билан активланувчи 
аденозинтрифосфатазанинг (Nа+,К+/АТФ-аза) юқори фаоллиги кузатилади. 
Фермент системасининг митохондриялар билан яқин жойлашишига қараб, бу 
икки системани морфологик жиҳатдан 
плазмолемма-митохондриал насос 
деб 
аташ мумкин. 
Базал 
плазматик 
мембранада 
«гемидесмосомалар» 
(ярим 
десмосомалар) ҳам учрайди. Улар ѐрдамида эпителий ҳужайралари базал 
мембрана 
(пластинка) 
билан 
бирлашади. 
Ярим 
десмосомалар 
десмосомаларнинг ярмини эслатиб, бир ҳужайра цитоплазмасининг 
бўртмасидан ва шу бўртма соҳасида жойлашган зич дисксимон тузилмадан 
(бирлаштирувчи пластинкадан) иборат.