Giltuproqli sement ishlab chiqarish texnologiyasi

Yangi texnologiyalarni qo‘llash. Sement zavodlarining ishlab chiqarish texnologiyasini ho‘l usuldan quruq usulga o‘tkazish uchun zavodlarni bosqichma-bosqich, iqtisodiy samaradorligini saqlagan holda tayyorlash kerak bo‘ladi. Xonaki usullarda ishlayotgan ohak zavodlarini qayta qurish va muntazam ishlaydigan shaxtali xumdonlarda ohak pishirish usuliga o‘tish lozim. Bu esa qurilish-montaj ishlarini 5 martaga, o‘tga chidamli buyumlarga ketadigan xarajatlarni esa 4–6 martaga kamaytiradi. Shu bilan birga ohak pishirish ish unumi 2,5 dan 3,5 martagacha ortadi hamda chiqindi sifatida tashlab yuboriladigan ohaktosh donalarini ham ishlatish imkoni tug‘iladi.

Sementsiz va sement qo‘shilmali mahalliy mineral bog‘lovchilar ishlab chiqarish respublikamizdagi sementga bo‘lgan ayrim tanqislikni yo‘qotishda kuydirilmay olinadigan ishqorli sement, ohak va kul yoki toshqol birikmalari asosida olinadigan bog‘lovchilar hamda sementlarni mexanik usulda faollashtirish usuli bilan ishlangan bog‘lovchilarni ishlab chiqarish qurilish ashyolari sanoatida sezilarli burilish yasaydi.

Bog‘lovchi moddalar ishlab chiqarish sanoatini rivojlantirish va uni bir me’yorda ishlashini ta’minlashda barcha texnologik tizimga tegishli asbob-uskunalarni o‘z vaqtida ta’mirlab turish, ma’naviy eskirganlarini almashtirish katta ahamiyatga ega. Bog‘lovchi moddalar ishlab chiqarish asbob-uskunalari va ehtiyot qismlarning aksariyati Rossiyaning «Volgotsemmash» AU dan sotib olinadi. Hozirda respublikamiz mashinasozlik zavodlarida bunday uskunalarni tayyorlash ustida ish olib borilmoqda.

Xulosa

Mamlakatimizda qurilish va bunyodkorlik ishlariga qaratilayotgan yuksak e’tibor natijasida sohada ulkan yutuqlar qo‘lga kiritilmoqda. Shahar va qishloq aholi punktlarining me’moriy qiyofasini tubdan yangilash, ularni zamonaviy shaharsozlik talablari asosida rivojlantirish hamda aholining uy-joy va ijtimoiy-maishiy sharoitini yaxshilashga qaratilgan kompleks chora-tadbirlarning amalga oshirilishi natijasida bugungi kunda mamlakatimiz ulkan qurilish-bunyodkorlik maydoniga aylandi.

Mazkur qurilish-bunyodkorlik ishlarini amalga oshirish uchun respublikamizda 23,8 mingta pudrat tashkilotlari, 31 ta bosh loyiha instituti va 1000 ga yaqin loyiha tashkilotlari faoliyat ko‘rsatmoqda. Mamlakatimizda qurilish sohasi uchun malakali kadrlar tayyorlash bo‘yicha 3 ta arxitektura va qurilish instituti faoliyat olib bormoqda. Shuningdek, 12 ta oliy ta’lim muassasasi hamda 390 ta kasb-hunar kollejida qurilish sohasi uchun mutaxassis kadrlar tayyorlanadi.

2017-yilda respublikamiz bo‘yicha barcha manbalar hisobidan jami 37,5 trillion so‘m hajmda qurilish ishlari bajarilib, o‘tgan yilga nisbatan 120,5 foizga o‘sish kuzatiladi. Natijada joriy yilda jami 15 mingta arzon namunaviy uylar, 191 ta arzon ko‘p qavatli uylar va 2,5 mingta ijtimoiy soha obyektlari foydalanishga topshiriladi.

Tasdiqlangan maqsadli dasturlar doirasida arzon namunaviy uy-joylar, ko‘p qavatli uylar va ijtimoiy soha obyektlaridan tashqari, yirik inshootlar va infratuzilma obyektlari ham foydalanishga topshirilmoqda. Jumladan, so‘nggi yillarda Toshkent shahrida “Bunyodkor” stadioni, “Xayatt Rijensi” mehmonxonasi, “Inha” universiteti filiali, “Minor” masjidi, Farg‘ona shahrida san’at saroyi va futbol stadioni, Jizzax shahrida stadion va universal sport kompleksi, Urganch shahrida universal sport kompleksi va Navoiy davlat konchilik instituti bino-inshootlari zamonaviy shaharsozlik talablari asosida barpo etildi.

Qurilish sohasini jadal rivojlantirish, qurilishda yangi texnologiyalar va energiya tejamkor materiallarni qo‘llash, qurilish-pudrat va loyiha tashkilotlarining moddiy-texnik bazasini mustahkamlash va ular uchun malakali kadrlar tayyorlash tizimini kuchaytirish soha rivojining yangi davrini boshlab berdi.