Gidromeliorativ qurilista tiykargi jumis turleri 2 Qurilis jumsilarin sholkemlestiriwdin tiykarlari

Qurılıs procesin shólkemlestiriwdiń tiykarları

Binalar hám imaratlardı qurıw texnologiyalıq hám shólkemlestiriw tárepinen óz-ara baylanıslı qurılıs hám montaj jumısları kompleksiniń orınlanıwı natiyjesinde ámelge asırıladı.

Qurılıs procesine ulıwma qurılıs jumısları, sonıń ishinde: topıraq-tas jumısları, beton hám temir-beton jumısları, kórkemlew-pardozlaw jumısları hám taġı basqada jumıslar kiredi.

Qurılıs hám montaj processlerin ulıwma, járdemshi transport túrleri bolıp bolinedi.. Tiykarġı processlerge konstrukciyalar, binalar, qurılmalardı qurıw yaki ayırım túrdegi jumıslardı orınlaw. Máselen, plotina tiykarın betonlaw, plotina denesine taw jınısların tógiw hám basqa usıġan uqsas jumıslardı orınlaw kiredi. Járdemshi processlerge kotlavan diywalların bekkemlew hám ultandı tegislew,qotlavandı qurġatıw, beton quyıw ushın qáliplerdi ornatıw hám basqada usıġan uqsas jumıs processleri kiredi. Olar tiykarġı jumıs processleri ushın zárúr. Transport processleri qurılıp atırġan obyektge yaki jumıs ornına materiallar, konstrukciyalar hám detallardı alıp keliw menen baylanıslı, Transport processleri ayırım jaġdaylarda úlken áhiymetke iye. Máselen qazıw jumısların ekskavator menen orınlawda topıraqtı tasıw jumıslarınıń kórsetkishi 75% ti quraydı, betonlaw jumıslarında transport kórsetkishi 50% ge jetedi.

Qurılıs hám montaj jumıslarında orınlaw usılları, jumıs operaciyaları, ápiwayı hám kompleks processlerden quraladı. Jumısshınıń ayqın maqset penen baylanısqan bir neshshe háreketleri kompleks jumıs usılı dep ataladı. Máselen, ekskavatordı basqarıw richagların qol menen iske túsiriw. Belgilengen ónimdi alıwdı tamiyinlewshi bir neshshe jumıs usılları kompleksi jumıs operaciyası dep ataladı. Jumıs operaciyası qurılıs procesiniń shólkemlestiriw tárpinen bólinbeytuġın hám texnologiyalıq tárepten birdey bólimlerin quraydı. Máselen, ekskavator shómishine topıraq alıw. Tayar ónim alıwdı támiyinlewshi bir neshshe jumıs operaciyalarınıń texnologiyalıq tárepten óz-ara baylanısqan kompleksi ápiwayı process dep ataladı. Máselen, ekskavator menen topıraqtı qazıw hám onı mashinaġa júklew, kran járdeminde beton aralaspasın blokqa jatqızıw. Shólkemlestiriw tárepinen bir-birine baylanıslı bolġan hám etalon ónim birligi menen óz-ara baylanısqan bir neshshe ápiwayı processler kompleksi kompleks process dep ataladı.

Hár bir ápiwayı processti qanigelestirilgen brigada yaki zveno, olardan: tiykardı tayarlaw brigadası, agash ustaları brigadası, armaturashılar brigadası, betonshılar brigadası orınlaydı. Brigadalar yaki zvenolar izbe-iz, úzliksiz bir ushastkadan basqa ushastkaga ótip baradı.

Bunda hár bir ushastkada qanigelestirilgen brigada yaki zvenonıń qanigeligine tuwrı keliwshi bir ápiwayı processti ámelge asıradı. Ushastkalar kólemin anıqlawda usı ushastkadaġı ayırım processlerdiń dawam etiwi aġım muġdarın belgilewshi qabıl qılınġan waqıt birligi (saat, smena, sutka)nı quraytuġınlıġına yerisiwge háreket qılınadı.

Úzliksiz jumıs usıllarınan sanaat qurılısında hám puharalıq qurılıslarda paydalanıw ayırım jaġdaylarda qurılıs múddetleri 30-40% qısqartıw.

Texnika jetiskenlikleri rawajlanıwına qarap, qurılıs jumısları zavodta islep shıgarılġan tayar elementler, detallar hám konstrukciyalar qollanılıwınıń kóbeygenligi menen klassifikaciyalanıwshı qurılıs-montaj jumıslarınıń klassifikaciyalanıwı artıp barmaqta. Binalar hám qurılmalardı pútin jıl dawamında birdey mexanizaciyalastırılġan usılda qurıwda zavodta islep shıgarılġan birdey tayar elementler, detallar hám konstrukciyalardan keń paydalanıwġa ótiw qurılıstı sanaatlastırıw dep ataladı.