Ish bo’yicha hisobotda:
Ishning maqsadi, kerakli jihozlar, berilgan topshiriqlar, ishning bajarish tartibi bo’yicha aniqlangan ma’lumotlarga asosan 20-rasmda ko’rsatilgan nomogrammalar chiziladi hamda bajarilgan hisoblar va olingan natijalarga ko’ra xulosa beriladi.
Nazorat savollari:
Agregatning ekinzorga ishlov berishdagi qamrov kengligi qanday omillarga bog’liq?
Qanday maqsadda rezervuar ichiga gidroaralashtirgich o’rnatiladi?
Qanday maqsadda kimyoviy modda eritmasini ekinzorga maydaroq zarrachalarga parchalab purkash ma’qul hisoblanadi?
Purkagichni rostlashda nima uchun agregatning ishchi tezligi e’tiborga olinadi?
Nima sababdan issiq havo va kuchli shamol esib turgan vaqtda eritmani purkash tavsiya qilinmaydi?
4-Laboratoriya ishi
Dontozalashmashinasigaekinlarturigaqarabrostlash.
Ishning maqsadi:Turli xil ekinlar donini dastlabki tozalashla don tozalash mashinasiga g’alvirlar tanlash tartibini o’rganish
Kerakli jihozlar:Elektrlashtirilgan yuritmasi bilan jihozlangan don tozalash mashinasi; laboratoriya g’alvirlarining to’plami; tarozi; 60 kg arpa, bug’doy va boshqalar doni; chilangarlik asboblari.
Etishtirilgan boshoqli don hosili yig’ib-terib olingandan so’ng uni don tayyorlash punktlariga topshirishdan oldin don tozalash mashinasida (23-rasm) dastlabki tozalash talab etiladi. Bunda toza don havo yordamida yengil (chang, chori va b.) va og’ir (kesak, tosh va b.) qo’shindilar hamda g’ilvirlar yordamida esa o’lchami kichik (singan, puch don va b.) va uzun (mayda somon va b.) qo’shindilardan ajratib olinadi.
|
23-rasm. Don tozalash mashinasini ish jarayoni:
1- qabul kamerasi; 2-tarqatgich; 3-taqsimlagich; 4-havo quvuri; 5-yuqorigi sirpang’ich; 6-pastki sirpang’ich; 7-chiqarish shnegi; 8-pastki g’alvir o’rnatgich; 9-ustki g’alvir o’rnatgich; 10-havo transportyori; 11-chang ajratgich;12-berkitgich; 13-tindirgich; 14-deraza.
|
Don tozalagich mashinaning transportyor–ta’minlagichihirmondagi mahsulotni yuqoriga ko’tarib, qabul kamerasi 1 dagi taqsimlagich 3 ga tushiradi. Taqsimlagich 3 ensiz oqim ko’rinishida keltirilgan donni mashina eni bo’ylab bir tekis yoyib-taqsimlab, havo quvuri5 gatashlab beradi. Ventilyator hosil qilgan havo oqimi havo quvuridan o’tayotib chang – to’zon va yengil qo’shindilarni iloji boricha to’liq uchirib, tindirgich 13 ga keltiradi. U yerda havo oqimining tezligi keskin kamayishi tufayli, qo’shindilar pastka cho’kib, chiqarish shnegi orqali tashqariga chiqariladi.
Mashinaning don o’lchamlari bo’yicha tozalash qismi ikkita g’alvirlar to’plamidan iborat bo’lib, ularning har biri ustki va pastki g’alvirlardan tuzilgan. G’alvirlar qiya o’rnatilganligi va ilgarilanma – qaytma harakatga keltirilishi sababli, don aralashmasi asta – sekin g’alvirning oxiriga siljib boradi.
Asosiy tozalash materiali ustki g’alvirlar to’plamining g’ilviri ustiga tushadi va yuqorigi g’alvir o’rnatgich 9 ning tebranishi natijasida bir tekis qalinlikda yoyilib, g’alvir tomon suriladi.
B1va g’alviridan elanib pastga tushgan don V va G g’alvirlar bilan mayda, singan va puch donlar hamda boshqa qo’shindilardan ajratib olinadi.
B1 g’alvirni tanlashda don oqimini deyarli o’zaro teng ikki qismga ajratishni ta’minlashiga alohida e’tibor berish kerak. Eng yirik don va unga aralashgan katta jismlar B2 g’alvirda elanadi. B2 g’alvirni tanlashda pastka don va undan maydaroq qo’shindilar elanib o’tishiga erishish lozim. Yirik qo’shindilar esa B2 g’alviridan pastka o’tmasdan, uning sirti bo’ylab siljishi kerak.
V g’alvirini tanlashda pastka kerakli dondan maydaroq og’ir qo’shindilar tushadigan qilish kerak. Kerakli don esa V g’alviridan G ga siljib tushishi kerak. G g’alviri ko’zlarining shakli (24-rasm) V dagidan farqlanishi (ko’zlari dumaloq emas, to’trburchak shaklida) bo’lishi lozim.
Do'stlaringiz bilan baham: |