Germaniya davlati

Germaniya Yevropa iqtisodiyotining lokomotivi deb ataladi va mamlakatimiz tashqi savdosi tarkibida Yevropa Ittifoqi Rossiya va Xitoydan keyin uchinchi savdo hamkori bo‘lib, umumiy savdo aylanmasining 10,7 foizini tashkil etadi. 2020-yilda O‘zbekiston va Yevropa Ittifoqi o‘rtasidagi o‘zaro tovar ayirboshlash hajmi 3,8 milliard dollarni tashkil etdi, shundan 21 foizi Germaniya bilan tovar ayirboshlash ulushiga to‘g‘ri keldi, ya’ni Yevropa Ittifoqi mamlakatlari orasida birinchi savdo hamkorimiz hisoblanadi

Iqtisodiy rejadagi yana bir muhim ko’rsatkich sarmoyaviy hamkorlikdir. 2020-yilda 110 ga yaqin investitsiya loyihasini amalga oshirish doirasida Germaniyaning o‘zlashtirilgan investitsiyalari hajmi o‘tgan yilga nisbatan 25 foizga oshib, 700 million dollardan oshdi. Bu ko‘rsatkich bilan Germaniyaning ulushi O‘zbekistonga kiritilayotgan umumiy xorijiy investitsiyalar hajmining qariyb 15 foizini tashkil etadi va bu uni asosiy investorlar orasida Rossiya va Xitoydan keyin uchinchi o‘ringa qo‘yadi.

• Joriy yilda Germaniya sarmoyasi jalb qilingan holda umumiy qiymati qariyb 1 milliard dollarlik 20 dan ortiq yirik loyihalarni amalga oshirish rejalashtirilgan. Bu, asosan, mintaqaviy bozor uchun yuqori qoʻshimcha qiymatga ega boʻlgan va Sharqiy Osiyodan Yevropa Ittifoqigacha boʻlgan global taʼminot zanjirlariga kirishga qodir boʻlgan mahsulotlar ishlab chiqarish boʻyicha sanoat kooperatsiyasi haqida bormoqda.
• Umuman olganda, so‘nggi uch yil ichida O‘zbekiston va Germaniya o‘rtasidagi savdo aylanmasining o‘sishida ijobiy tendensiya kuzatildi. Sirasini aytganda, 2016 yildan 2019 yilgacha ikki mamlakat o‘rtasidagi tovar aylanmasi 87% ga o‘sib, 529,1 mln dollardan 989,8 mln dollargacha oshdi. Shuningdek, eksport 69% ga, import esa 88,4% ga o‘sdi.
• 2020 yilda koronavirus pandemiyasi tufayli savdo aylanmasi 16,2% ga kamayib, 829,0 mln. Dollarni tashkil etdi. Jumladan, eksport aksincha 13,3% oshdi, ya’ni,62,2 mln dollardan 70,5 mln. Dollargacha, import esa 18,2% kamaydi, ya’ni, 927,5 mln dollardan 758,5 mln. Dollargacha.