Гeoгрaфия

Жанармай-энергетика-химия кешенi
бiршама қуатты. Оның негiзiн 
электроэнергетика өнеркәсiбi құрайды. Мемлекетте өндiрiлетiн электр 
энергияның дерлік жартысы осы ауданда өндіріледі. Бұл көрсеткiштi 
аудандағы үш қуатты ЖЭС және Шыршық–Бозсу гидроэнергетика каскады 
қамтамасыз етедi. Ташкент ЖЭС-i толық, Ангрен ЖЭС-i жартылай газбен, 
ал жаңа Ангрен ЖЭС-i жергiлiктi көмiрмен істейді.
Сыртқы экономикалық қызметі.
Аудан 100-ден астам алыс және 
жақын шет мемлекеттерімен сауда байланыстарын жасайды. Шет елге мақта, 
жiбек, мақташылық үшiн қажеттi машина және жабдықтар, тоқымашылық 
машиналары, кабель, экскаваторлар, көтермелi крандар, электр энергиясы, 
қаракөл терiлерi, түстi металл концентраттары, жiп және жiбек маталар, 
кенеп пен кенеп өнiмдерi және жемiс жiберiледi. Аудан қажеттiлiгi үшiн 
ағаш, мұнай өнiмдерi, табиғи газ, әр түрлі өнеркәсiп өнiмдерi, машинаның 
қосалқы бөлшектері, кеңінен тұтыну тауарлары әкелiнедi. Iшкi экономикалық 
байланыстарда автомобиль мен жартылай темiржол көлігінен пайдаланылады.
Көлігі.
1930–1940 жылдардан ауданда автомобиль жолдары пайда болды, 
асфальт және тас жолдары құрылды. Үлкен Өзбек тракты (700 км) Ташкенттi 
Термiзбен байланыстырады. Ташкент-Ангрен-Коқан тау жолы қайта құрылып, 
дүние жүзi талаптары дәрежесiндегi халықаралық жолға айналдырылды. 
Ташкент-Шыназ-Гүлстан автотрассасы мемлекетте бiрiншi дәрежелi жол 
болып саналады. Ташкент-Ангрен, Ташкент-Шарбақ және Мырзашөлдi кесiп 
өткен Ташкент-Сырдария-Жызақ темiржолдарының маңызы үлкен. 
1.
Ташкенттiң экономикалық ауданы халқының саны, орналасуы мен ұлттық 
құрамына қандай тарихи және географиялық алғышарттар ықпал еткен?
2.
Ташкенттiң экономикалық ауданы республиканың индустриялануында 
қандай рөл атқарғанын түсiндiрiп беріңдер.
3.
Ташкенттiң географиялық орнына тән қолайлықтар қандай алғышарттардың 
нәтижесі болып табылады?
4.
Экономикалық ауданда өнеркәсiптiң қай тармақтары дамыған? Себебiн 
түсiндiр.
http://eduportal.uz

---

113
Облыстың географиялық орнын атластан белгілеңдер. Халқының саны 
мен майданының үлкендігі қосымшадағы 1-кестеден анықтаңдар.
Өнеркәсібі.
Экономиканың көптеген салаларында шикiзат даярлаудан 
дайын өнiм өндіруге дейiнгi барша басқыштар облыстың өзiнде iске асады.