Geografiya fanidan

Mashqni o’tkazish uslubiyati.
1. Tayyorgarlik: o’qituvchi sinfning to’rt burchagiga yoki sinfning ma’lum ochiq makoniga to’rtta tablichka osib qo’yadi.
2. 6 yoki 8 ta o’quvchini chaqiradi. O’yin paytida band bo’lishi uchun ishtirok etmayotgan o’quvchilarga ham topshiriqlar berish zarur.
O’yinning o’zini boshlashdan avval o’qituvchi darsga yo’l-yo’riqlar berishi zarur.
1. Ta’kidlab o’qib berilganidan keyin fikringizga muvofiq tablichkalar yonidan joy egallang.
2. O’z nuqtai nazaringizni asosli dalillab berishga shay turing.
3. Agar muammoga nuqtai nazaringizni o’zgartirishga undovchi asosli dalilni eshitsangiz, o’z o’rningizni almashtirishingiz mumkin.
4. Sinfdoshlaringiz ta’kidlariga o’z fikringizni bayon etishga shay turing.
5. O’qituvchi o’yinda ishtirok etmayotgan o’quvchilarga topshiriqlar beradi, masalan:
-eng ahamiyatli ta’kidlovchini yozib borish, eng asosli dalillab berilgan javoblarni yozib borish.


1. Darsning mavzusi: O’zbekiston tabiatini muhofaza qilish.


2. Darsning maqsadi:
a) Ta’limiy maqsadi: O’quvchilarga O’zbekiston tabiati va boyliklarini muhofaza qilishni va ulardan oqilona foydalanishni tushuntirish.
b) Tarbiyaviy maqsadi: Havoni, suvni, atrof-muhitni toza saqlash inson salomatligi uchun zarurligini, tabiat insonga oziq-ovqat, kiyim-bosh, yoqilg’i berishini tushuntirib, o’quvchilar ongiga tabiatni muhofaza qilishni singdirish.
v) Rivojlantirish maqsadi: Yashab turgan joyimiz tabiati bilan bog’lash.
3. Darsning jihozi: O’rta Osiyo, O’zbekiston tabiiy xaritasi, tabiatga oid suratlar, albom, gerbariy, devoriy gazeta (onajonim tabiat).
4. Dars usuli: «Sud».
5. Darsning borishi:
a) Tashkiliy qism.
b) Yangi mavzuni bayoni.
O’qituvchi darsni A.Oripov she’ri bilan boshlab beradi.
Asraymiz o’simlik xillarin tayin
Asraymiz hayvonlar kamyob zotini
Hatto atroflarin o’rab atayin
Qo’riqxona deymiz so’ngra otini.
Munis jonivorga mehru shafqat bu,
Bu inson qalbida balqqan xamiyat.
To yashar qaydadir bu yanglig’ tuyg’u
Har nechuk qirilib ketmas tabiat.