Geografik o'rni, mamlakat haqidagi umumiy ma'lumotlar

GFR da elektroenergiya va rangli va qorametallurgiya.
GFR da elektroenergiyaning asosiy qismi issiqlik elektrostansiyalarida ishlab chiqariladi. IBS lar Rur va Saar havzalarida, port shaharlarida — ko'mirda, neftni qayta ishlash markazlarida — mazutda ishlaydi, boshqa IBS lar esa aralash yoqilg'ida ishlaydi. Keyingi vaqtda mahalliy ko'mirga nisbatan Avstraliyadan arzon bahoda olib kelinayotgan ko' miming ahamiyati oshib bormoqda.
AES larda elektr quvvatining 30% i ishlab chiqariladi (ular ko'mir havza-larining chegarasidan tashqarida qurilgan). GES lar asosan mamlakatning janubida (tog' daryolarida) joylashgan.
Rangli va qorametallurgiya. GFR ning rangli metallurgiyasi, asosan, chetdan keltirilgan va ikkilamchi xomashyo (rangli metall parchalari)da ishlaydi. Korxonalar joylashishining bosh omili — energiya resurslari bilan ta'minlanganlik va xomashyoni olib kelishdagi qulaylik. Alyuminiyni eritish bo'yicha Gcrmaniya G'arbiy Yevropada, faqat Norvegiyadan keyingi ikkinchi o'rinni egallaydi. Asosiy zavodlar Shimoliy Reyn-Vestfaliya yerida, shuningdek, Gamburg va Bavariyada joylashgan. Qora misni eritish Gamburg va boshqa shaharlarda amalga oshiriladi.
Mashinasozlik va metallga ishlov berish
Mashinasozlik va metallga ishlov berish — GFR sanoatining eng rivojlangan tarmoqlaridan biri. Mamlakat sanoat mahsulotlari va eksportiriing yarmiga yaqin qismi mashinasozlikka to'g'ri keladi. Eng yirik markazlar quyidagilar: Myunxen, Leypsig, Nyurnberg, Mangeym, Berlin, Gamburg. Mashinasozlik eng ko'p rivojlangan yerlar: Baden-Vyurtemberg va Shimoliy Reyn-Vestfaliyadir.
Avtomobil ishlab chiqarish bo'yicha Germaniya dunyoda AQSH, Yaponiya va Xitoydan keyingi to'rtinchi o'rinni egallaydi. «Wolkswagen», «Mercedes~Benz», «BMW», «Ford~Verke», «Opel» kabi korporatsiyalar avtomobil ishlab chiqaradi. Avtomobilsozlikm'ng eng yirik markaziari — Volsburg, Shtutgart, Kyoln, Ryussel-xaym, Myunxen shaharlaridir.
Dengiz kemasozligining asosiy markaziari — Kil, Gamburg, Bremen, Emden, Rostok hisoblanadi, daryo kemasozligining markazi — Duysburg shahridir. Optik mexanika korxonalarining eng ko'p to'plangan joyi — Baden-Vyurtemberg va Tyuringiya yerlaridir. Samolyotsozlik sanoatining yirik markaziari — Myunxen, Aersburg, Gamburg, Bremen va ular atrofidagi shaharlardir.
Germaniya kimyo sanoatining asosiy rayoni — bu Shimoliy Reyn-Vestfaliya yeridir (butun mahsulotning 2/5 qismi). Eng yirik markaziari quyidagilar: Leverkuzen («Bayer» konserni), Kyoln, Darmagen, Frankfurt-Mayn («Hoechst» konserni), Lyudvigsxafen («Basf» konserni).