Geoekologiya asoslari va tabiatdan foydalanish

Drone
 
 –
kvadrokopter
–
videokamera bilan jihozlangan iPhone /
iPod /iPad, Android ili Windows Phone moslamalari orqali 
masofa 
dan turib lokal tarzda boshqariladigan turli hajm, 
imkoniyat, o‘lchamdagi uchuvchi qurilma.
Ekologik, jumladan, geoekologik monitoring O‘zbekiston 
Respublikasining 1992-yil 9-dekabrda qabul qilingan «Tabiatni 
muhofaza qilish to‘g‘risida»gi Qonunining XII bobi (ekologik 
nazorat), 28-moddasida umumlashtirilgan tarzda ifoda etilgan. 
Unga binoan mamlakatimizda monitoring tuzilishi, mazmuni 
va uni amalga oshirish tartibi O‘zbekiston Respublikasi 
Ekologiya va atrof-muhitni muhofaza qilish davlat qo‘mitasi 
tomonidan ishlab chiqiladi va Vazirlar Mahkamasi tomonidan 
tasdiqlanadi. Geoekologik monitoring, davlat kadastrlaridan 
farqli nafaqat davlat organlari, balki nodavlat tashkilotlari, 
o‘zini o‘zi boshqaruv idoralari, ilmiy va o‘quv muassasalari 
tomonidan ham olib borilishi mumkin. Lekin ular 
ning 
ma’lumotlari va tavsiyalari faqatgina tavsiya kuchiga ega, 
xolos. Kelgusida geografik tadqiqotlarda nodavlat geoekologik 
monitoringi qanday bo‘lmog‘i kerak, degan savolga javob 
topish o‘ta muhim ahamiyat kasb etadi.
Geoekologik monitoring ma’lumotlarning oshkoraligi va 
keng ommaga e’lon qilinishi mumkinligi bilan boshqa nazorat 
turlaridan ajralib turadi. Geoekologik monitoring ma’lumotlari 
davlat hokimiyati va boshqaruv organlariga bepul, yuridik va 
jismoniy shaxslarga esa muayyan haq evaziga beriladi. Chunki 
geoekologik vaziyatning salbiy o‘zgarishi xalqaro hamjamiyat, 
davlatlar va davlatning ekologik xavfsizligini ta’minlovchi 
shoshilinch chora-tadbirlarni hamda huquqbuzarlarga nisbatan 
tegishli javobgarliklarni qo‘llashga asosdir. Shunday qilib, 
geoekologik monitoring ekologik monitoringning o‘ziga 
xos va zarur bir qismi bo‘lib, u tabiatni muhofaza qilish, 
tabiiy resurslardan oqilona foydalanish va buzilgan tabiat 
majmualarini qayta tiklashda ilmiy va amaliy vositadir.

---

43