Geoaxborot tizimining ilmiy asoslari

ESRI Inc. ESRI kompaniyasi xususiy boʻlib, u 1969-yili Jak va Laura Dangermound tomonidan tashkil etilgan. Bosh ofisi Kaliforniya shtatining Redland shahrida joylashgan. ESRI 400 dan ziyod ishchi kuchiga ega va yillik pul aylanmasi 500 million AQSH dollariga teng. Hozirgi kunda ushbu kompaniyaning xizmat va dasturlaridan 130 000 dan ortiq tashkilotlar va 1 milliondan ortiq foydalanuvchilar foydalanib kelishmoqda. ESRI asosiy e’tiborini GAT bozorini egallab olishga qaratgan va shu bilan birga yillik daromadining toʻrtdan bir qismini konsultativ xizmatlarga ajratadi. ESRI tijorat maqsadlari uchun dasturlarni ishlab chiqishni 1970-yillarning oxirida boshlagan.
Bugunga kelib ESRI kompaniyasining dasturlar ishlab chiqish strategiyasi yagona dasturiy oila hisoblangan ArcGISga qaratilgan. Bu dastur foydalanuvchilar va mutaxassislar uchun kompyuter va mukammal qurilmalarda ishlashga moʻljallangan. ESRI kompaniyasi mahsulotlari asosiy texnik va sanoat bozorlarida oʻz oʻrniga ega va GAT bozoridagi eng katta kompaniyalardan hisoblanadi.


Intergraph Inc. ESRI kompaniyasi kabi Intergraph ham 1969-yili xususiy kompaniya shaklida tashkil topgan. Bu kompaniya faoliyatini Alabama shtatida kompyuter grafik tizimlarini ishlab chiqishdan boshlagan. 1981-yillardan boshlab kompaniya oʻz faoliyatini CAD va kartalash dasturlarini konsalting xizmatlari va qurilmalarni rivojlantirish orqali yanada takomillashtirdi. Hozirgi kunda bir qancha qayta tashkiliy tuzilishlardan soʻng 4 ta asosiy boʻlimga boʻlingan va ular: Jarayon, Energiya va Dengiz; Jamiyat xavfsizligi; Yechimlar; Kartalash va Geofazoviy yechimlar (Geospatial Solutions)dan iborat.
Geofazoviy yechimlar boʻlimining oʻzi kompaniyaning 500 mln. dollarlik foydasining 200 millionini tashkil qiladi. Intergraph turli xil katta dasturlar majmuasini ishlab chiqishga moʻljallangan. GAT nuqtayi nazaridan Ishchi stoli (Desktop) va internet tarmogʻiga bogʻlangan Geomedia (Geomedia) dasturlarini misol qilib olishimiz mumkin. Hozirgi kunda Intergraph kompaniyasi GAT bozorida ikkinchi oʻrinni egallab kelmoqda.