Газни паст ҳароратли сепарациялаш автоматлаштирилган жараёнининг хавфсиз бошқариш тизимини ишлаб чиқиш

Диссертация мақсади. Саноатнинг турли тармоқларида замонавий ишлаб чиқаришнинг ривожланишига қўйиладиган талаблар дастгоҳлардан фойдаланиш ва уларни таъмирлашга сарфланадиган харажатларнинг камайиши ҳамда ишлаб чиқарилаётган маҳсулот сифат мезонларининг, бундан ташқари автоматик бошқариш системаларини лойиҳалаштиришда илғор технологиялар ролининг ўсиши билан тавсифланади. Ҳозирги вақтда кўпгина бундай технологик жараёнларда объектнинг математик тавсифини (уларнинг параметрлари кенг чегараларда ўзгариши мумкин) аниқ ҳисоблаш жуда кўп меҳнат талаб қилади ва айрим ҳолларда уни ҳисоблашнинг умуман иложи бўлмайди. Бундай шароитларда синтезлашнинг фойдаланилаётган усулларига математик моделнинг априор ноаниқлиги кўплаб чекловлар қўяди. Бу ҳолда адаптация тамойили бўйича тузилган хавфсиз бошқариш тизимлари катта имкониятларга эга бўлади
Илмий янгилиги. Олинган натижалар, бошқариш объектлари каналларининг жорий идентификацияси натижалари асосида ишлаш вақтида бошқариш алгоритмларини автоматик равишда созлайдиган хавфсиз адаптив автоном инвариант бошқариш системасининг синтези зарурлигини тасдиқлайди, бу эса бутун жараён давомида оптимал бошқариш режимини таъминлайди.
Илмий ғояси.. Технологияларнинг ривожланиши ва автоматлаштириш масалаларининг замонавий ҳолатини таҳлил қилиш асосида газни паст ҳароратли сепарациялаш технологик жараёнларини хавфсиз адаптив бошқариш системасини ишлаб чиқишни илмий-техникавий масалаларининг долзарблиги кўрсатилган.
Диссертацияга қўйилган илмий масалалар.
Нормал ишлаш шароитларида саноат тадқиқоти натижалари асосида табиий газ ишлаб чиқаришда газни паст ҳароратли сепарациялаш жараёнининг математик моделлари ишлаб чиқилган;
Газни паст ҳароратли сепарациялаш технологик жараёнини адаптив бошқариш ва автоматлаштиришнинг структуравий ва функционал схемалари ишлаб чиқилган;
Жараёнларни технологик режимларини барқарорлаш ва унинг самарадорлигини оширишга имкон берувчи техник таъминотга мос келувчи газни паст ҳароратли сепарациялаш технологик жараёнининг бошқариш тизими таклиф этилган.