Gazlamalarni to‘shash - bichish tsexining asosiy operatsiyalaridan biri hisoblanadi. Gazlama hisob kartasiga asosan qo'lda yoki mashinada to'shaladi.
To'shama qavatlari avval to'shamaga mo'ljallab qirqib olingan bo'lishi mumkin yoki gazlama to'pidan to'shaladi. To'shamaning balandligi, ya‘ni qavatlar soni gazlama turiga bog'liq va quyidagicha tavsiya etiladi:
Kostyumbop gazlamalar - 28-30 qavat;
Drap gazlamasi - 18-24 qavat;
Ipak va astarlik gazlamalar - 50-60 qavat; Ip gazlamalar - 100-120 qavat.
Gazlamalarni to'shash jarayonida quyidagi texnik shartlarga rioya qilish kerak:
Gazlama qavatlari milklari to'shamaning bir tomoniga to'g'ri kelishi kerak.
To'shama qavatlarni bir tekisda, tortmay to'shalishi kerak.
To'shama oxirida va gazlama uchlari tutashgan joylarda gazlama uning uzunasiga aniq perpendikulyar qirqilishi kerak.
Tukli gazlamalarni to'shalganda barcha qavatdagi tuklar bir tomonga yo'nalgan bo'lishi kerak.
Gazlama gullari ma‘lum tomonga qaragan, katak va yo'l-yo'l gazlamalar to'shalayotganda barcha qavatlarda gazlama gulini bir tomonga yo'naltirib to'shash kerak.
Artikullari bir xil gazlamalar birga to'shalganda oldin bitta artikuldagi gazlama, keyin boshka artikuldagi gazlama to'shaladi.
Gazlamalar asosan ikkita usulda to'shaladi:
O'ngini- o'ngiga qaratib yalang qavat;
O'ngini pastga qaratib yalang qavat (nuqsonli gazlamalarni bukib to'shash mumkin).
O'ngini o'ngiga qaratib yalang qavat to'shash usuli simmetrik juft detallardan iborat kiyimlarni bichishda ishlatiladi. Simmetrik detallari yo'q kiyimlarni bichishda gazlamani o'ngini pastga qatatib to'shash maqul. Bu usulda to'shamaning bir qavatidan kiyim barcha detallari bichib olinadi, bo'rlamada to'liq komplekt andaza joylashtiriladi. O'ngini pastga qaratib to'shalganda juft detallarni joylashtirishda bittasi chap tomon uchun, ikkinchisio'ng tomon uchun bichiladigan bo'lishi kerak. O'ngini o'ngiga qaratib to'shalganda to'shama ustki qavatiga yarim komplekt andoza joylashtiriladi, chunki to'shamaning ikki ko'shni qavatidan bitta buyum chiqadi. Shuning uchun to'shama qavatlari juft bo'lishi zarur. Gazlama o'ngini pastga qaratib to'shalganda to'shama qavatlari juft yoki toq bo'lishi mumkin. O'ngini o'ngiga qaratib to'shalganda andozalar zichroq joylashtiriladi, andozalar orasidagi chiqindi miqdori kamayadi, bo'rlama bajarilishi uchun vaqt ham tejaladi. O'ngini o'ngiga qaratib to'shalganda juft detallar aniqroq chiqadi,chunki ular birga bichiladi. O'ngini o'ngiga qaratib to'shash usuli afzalroq bo'lgani uchun korxonalarda gazlamalar to'shashni shu usuli keng qo'lanadi.
Gazlamani qo'lda yoki mashina yordamida to'shash mumkin. Enli gazlamalar qo'lda to'shaladigan bo'lsa, ularni ikki kishi to'shaydi. Buning uchun avval gazlama to'pi maxsus moslamalarga o'rnatiladi. Gazlama uchining ikki burchagida ushlab, stol ustidan tortib, cheklovchi chiziqlargacha yetkaziladi. Gazlama uchini cheklovchi chizg'ich bilan bostirib qo'yiladi.
To'shama qavati tekislanadi, gazlama milki to'g'rilanadi, qavat oxiri maxsus keskich yordamida qirqiladi. Ensiz gazlamalarni bitta ishchi to'shash mumkin. Gazlamalarni to'shash ko'p kuch talab qiladi. Bundan tashqari ishchilar gazlamani qavatlarini xar xil kuch bilan tortishadi, bu esa to'shama qavatlarini notekis cho'zilishiga sabab bo'ladi va bichiqlar sifatiga ta‘sir etadi.
To'shamalarni to'shashda to'shovchilar ishini osonlashtirish uchun to'shash mashinalari ishlatiladi.
Mexanzatsiyalashtirilgan to'shash kompleksi MNK seksiyali to'shamlarni xam bajaradi. Seksiyali to'shash usulini afzalligi shunda-ki, bitta to'pdagi gazlama to'liq to'shaladi, bunda to'pdagi gazlama bo'laklarga qirqilmaydi, bu esa gazlamani tejashga imkon beradi. Hozirgi vaqtda seksiyali to'shash asosan ich kiyim va qo'shimcha gazlamalarni to'shashda qo'llaniladi.
Yarim avtomatik va avtomatik ishlaydigan mashnalardan foydalanib, mexanizatsiyalashtirilgan to'shash eng unumli va ishlov berish uchun qulay hisoblanadi. Avtomatlashtirilgan to'shash mashinalari Germaniya, SShA, Yaponiya, Fransiya va boshqa davlatlarda ishlab chiqilmoqda. Ularning to'shash tezligi gazlamaning cho'zilishi va to'shamaning uzunligiga qarab moslanadi. Ular quyidagilar bilan ta‘minlangan:
gazlama to'plarini k o'tarish va yuklash qurilmalari;
gazlama milkini tekislash va ch o'zmasdan bir tekisda to'shash qurilmasi;
to'shama oxirida gazlama qavatini avtomatik qirqish qurilmasi;
to'shash jarayonida gazlama enini va qavatlar sonini hisoblash qurilmasi;
to'shamaning kerak joyida mashinani to'xtatish qurilmasi.3
Keyin to'shama tamg'alanadi. Bunda to'shamaning ustki qavatidagi har bir detalning ichiga to'shama tartib raqami, buyumo'lchami va bo'yi, buyum modeli yozilgan belgi qo'yiladi. Tamg'ani qo'yidagicha bajarish mumkin:
Bo'r bilan;
Oson yuviladigan bo'yoq bilan tamg'a yordamida;
Qog'oz yoki gazlama laxtagini yopishtirish bilan yoki ip bilan biriktirish.
