Gazeta sarlavhalarining mazmuniy persepsiyasi

Tadqiqotning maqsadi. Ushbu tadqiqotning maqsadi gazeta sarlavhalarining retsipiyent tomonidan tushunilishi va ta’sirini o‘rganib chiqishdan iborat.Mazkur jarayonda gazeta sarlavhasi va o’quvchining psixologik xususiyatlari o’rtasidagi bog’liqlikni aniqlashdan iborat.

Tadqiqotning vazifalari. Tadqiqotning bosh vazifasi sifatida avvalo, psixolingvistikadagi matnning mazmuniy persepsiyasiga oid nazariy ma’lumotlarni o’rganish, matn mazmuniy persepsiyasidagi lingvistik birliklarni aniqlash va tahlil qilish.

Tadqiqotning obyekti. Mamlakatimiz matbuot nashrlarida chop etilayotgan gazeta matni sarlavhalari.

Tadqiqotning predmeti. Gazeta matni sarlavhalarida qo’llanilgan lisoniy vositalar.

Tadqiqotning metodologik asoslari va metodlari. Ishda O‘zbekiston Respublikasi Prezidenti I.A.Karimovning ma’naviyat, ma’rifat, milliy va umumbashariy qadriyatlar to‘g‘risidagi fikr-mulohazalari, milliy til va madaniyatning rivojlanish tarixi, taraqqiy etish yo‘llari haqidagi qarashlari, hamda psixolingvistika sohasiga oid qilingan tadqiqotlar metodologik asos bo‘lib xizmat qildi. Shuningdek, yo’naltirilgan assotsiativ tajriba usuli, statistik usul kabi metodlar asosida tahlillar olib borildi.