Газ саноати хусусида умумий маълумотлар

Маъруза машғулотининг технологик картаси (14-машғулот)

Босқичлар, вақти	Фаолият мазмуни
	Ўқитувчи	Талаба
1-босқич. Кириш (10 минут)	1.1. Ўқув машғулотининг мавзу ва режасини ҳамда кутилаётган натижалар маълум қилинади.	1.1. Эшитадилар ва ёзиб оладилар.
2-босқич. Асосий (60 минут)	2.1. Талабалар эътиборини режадаги саволлар ва улардаги тушунчаларга қаратади ва тезкор савол-жавоб ўтказади. 2.2. Ўқитувчи маърузани баён этишда давом этади. а)? б)? 2.3. Талабаларга мавзунинг асосий тушунчаларига эътибор қилишни ва ёзиб олишларини таъкидлайди.	2.1. Талабалар жавоб берадилар. 2.2. Эшитади ва ёзиб боради. 2.3. Эслаб қолади, ёзади. Ҳар бир саволга жавоб беришга ҳаракат қилади. Таърифни ёзиб олади, мисоллар келтиради.
3-боқич. Якуний (10 минут)	3.1. Мавзуга якун ясайди ва талабалар эътиборини асосий масалаларга қаратади. Фаол иштирок этган талабалар рағбатлантирилади. 3.2. Мустақил иш учун вазифа: лойиҳалаштириш усуллари кўриб чиқилади ва ўрганилади.	3.1. Эшитади ва аниқлаштиради. 3.2. Топшириқни ёзиб олади.

МАЪРУЗА №14


Тўлқинли ва гидродинамик усуллардан фойдаланиш. Қатламга “Қуруқ газ” ҳайдаш. Сайклинг-жараён. Газберувчанлик ва конденсат-берувчанликни ошириш усуллари технологияси.


Маъруза режаси
1. Газконденсат конларини ишлаш тизимларини лойиҳалаштириш асослари 2. Газконденсат конларининг қискача тавсифи
3. Уюм сўниш тарзларида ишланиши шартларининг тавсифи.
4. Газконденсат конларини цатлам босимини сақлаш билан ишлашнинг ўзига хослиги.
5. Сайклинг-жараён


Таянч сўзлар
Конденсацияланиш. - Газконденсат уюмини ишлаш жараёнида қатлам босими конденсатни газ ҳолатидан суюқ ҳолатга ўтиш босимидан тушганда газ таркибидаги углеводородларни бир қисми суюқ фаза (конденсат)га ўтиши билан борадиган фазавий ўзгаришлар.
Тескари буғланиш. - Газконденсат уюмини ишлаш жараёнида ўта юқори ҳарорат ва қатлам босими жуда туширилганда ғовак муҳитда ўтирган конденсатни буғланиши билан борадиган фазавий ўзгаришлар. Қатлам газининг ҳажмий коэффициенти. - Нормал шароитларда 1 м ҳажмга эга бўлган газнинг маълум ҳарорат ва босимда қатлам шароитида эгаллаган ҳажми.
Барқарор конденсат. - Хом газни тўлиқ газсизлантирилгандан кейин олинадиган, пентанлардан ва юқори қайновчилардан иборат конденсат.
Хом конденсат. - Стандарт шароитларда суюқ углеводородлардан иборат бўлган, таркибида у ёки бу миқдорда газсимон углеводородлар эриган, эркин газдан ажралган маҳсулот.
Қатламдан газни сиқиб чиқариш. - Коллектордаги газни қатлам суви (гази) ёки қатламга ҳайдалаётган ишчи агент билан алмаштириш.
Ишлатиш объектини ишлаётган қалинлиги. - Қудуқда ишлатиш объектининг сиздиришда қатнашаётган маҳсулдор қатлам ва қатламчалари жами қалинлиги