Gastronomik turizm mahsulotlari marketingini raqamlashtirishda xorij tajribasi

GASTRONOMIK TURIZM MAHSULOTLARI MARKETINGINI RAQAMLASHTIRISHDA XORIJ TAJRIBASI
Norqulova Dilfuza – PhD, <> kafedrasi mudiri
Gadoyeva Muborak – MTF-121 guruh magistranti

Anotatsiya: Ushbu maqolada gastronomik turizmni dunyo miqyosidagi ahamiyati va uni iqtisodiyotdagi o’rni ko’rsatilgan. Tajriba sifatida Malayziya davlatining gastronomik turizmni marketingini raqamlashtirish va strategiyasi tahlili keltirilgan va kerakli xulosalar olingan.
Kalit so’z: turizm, gastronomiya, marketing, turist, raqamli marketing, veb-sayt, fud-blog.
Annotation: This article highlights the global importance of gastronomic tourism and its place in the economy. As an experiment, an analysis of the digitization and strategy of marketing of gastronomic tourism in Malaysia was presented and the necessary conclusions were drawn.
Keywords: tourism, gastronomy, marketing, tourist, digital marketing, website, food blog.
Аннотация: В статье подчеркивается глобальное значение гастрономического туризма и его место в экономике. В качестве эксперимента был представлен анализ цифровизации и стратегии маркетинга гастрономического туризма в штате Малайзия и сделаны необходимые выводы.
Ключевые слова: туризм, гастрономия, маркетинг, турист, цифровой маркетинг, веб-сайт, пищевой блог.
Iqtisodiyot tarmoqlari, ijtimoiy soha va davlat boshqaruvi tizimining jadal raqamli rivojlanishini taʼminlash, shu jumladan elektron davlat xizmatlarini koʼrsatish mexanizmlarini yanada takomillashtirish maqsadida Oʼzbekiston Respublikasi Prezidentining 2020 yil 5 oktyabrda “Raqamli Oʼzbekiston- 2030” strategiyasini tasdiqlash va uni samarali amalga oshirish chora-tadbirlari toʼgʼrisida”gi Farmoni qabul qilindi. Strategiya Oʼzbekiston Respublikasining raqamli iqtisodiyot va elektron hukumatni rivojlantirishning strategik maqsadlari, ustuvor yoʼnalishlari hamda oʼrta va uzoq muddatli istiqbolli vazifalarini belgilaydi. Shu tufayli taraqqiyotga erishish uchun raqamli bilimlar va zamonaviy axborot texnologiyalarini barcha sohalarga targ’ib qilish lozim. Bu bizga yuksalishning eng qisqa yoʼlidan borish imkoniyatini beradi. Barcha sohalar singari turizm xizmatlariga axborot texnologiyalarini kiritgan holda raqamlashtirish dolzarm vazifalardan biridir.
Gastronomiya-bu turizmning asosiy jihatlaridan biri bo’lib, odamlarni ma’lum destinatsiyalarda noodatiy va g’ayrioddiy ta’mga ega taom yoki ichimlliklarni izlashga undaydi. Gastranomiya turizmda hududlar va uning madaniyatini namoyon etuvchi sifatida qabul qilinadi. Gastronomik turizm nafaqat destinatsiya imidji, mahalliy madaniyat va merosni saqlab qolish nuqtai nazardan qiymat qo’shibgina qolmay, balki uning iqtisodiyotiga ham hissa qo’shadi. Har bir mamlakat o’zining milliy taomlari va ichimliklarini turli xil tadbirlar orqali saqlab qolish hamda dunyoga tanitishga harakat qiladi.
2019 yilda global pazandachilik turizmi bozori hajmi 1 116,7 milliard dollarga baholandi va 2027 yilga kelib 1 796,5 milliard dollarga yetishi prognoz qilinmoqda, 2020 yildan 2027 yilgacha yillik o’sish sur’ati 16,8 foizni tashkil etdi. Oziq-ovqat festivali segmenti bozorga eng ko'p hissa qo'shdi, 338 milliard dollar. 2019 yilda va 2027 yilga kelib 560,3 milliard dollarga yetishi taxmin qilinmoqda, prognoz davrida yillik o’sish sur’ati 17,2% ni tashkil qiladi.[1]
Ijtimoiy media olamini inson hayot tarziga kirib kelishi turizm industriyasini shakllantruvchi turli tendensiyalar haqidagi bilimlarni oshirdi. Bugungi kundagi ijtimoiy tarmoqlar tobora sayohat agentiga aylanib bormoqda. Mijozlar sayyohlik xizmatlari va mahsulotlarini avval u yerda bo’lgan yoki sayohat qilgan odamlardan maslahat olib, undan so’ngina xarid qilishmoqda. Shuninhdek, ular turli ijtimoiy tarmoq saytlarida batafsil bayon etilgan sharhlar va tushunchalarga murojaat qiladilar. Saytlardagi bu kabi baham ko’rilgan taassurotlar va fikrlar mahsulotlarga nisbatan yaxshiroq shaffoflik ta’minlaydi va shu tariqa sayohatchilarni o’zlari xohlagan sayohat joyini bron qilishga ko’maklashadi. Biroq, siyosiy tartibsizliklar, terrorizm va pandemiya kabi omillar xorijiy sayohatlarning umumiy hajmiga va destinatsiya tanlashga ta’sir qildi hamda gastronomik turizmi bozorini bir muncha suslashtirdi. Lekin, turar joy topishdagi qulaylik va narxlarning arzonlashuvi byudjetli sayohatchilarni tez-tez sayohat qilishga undashi va pazandachilik turizmi bozorini o’sishiga yo’l ochilishi kutilmoqda.
Pandemiya sabab ko’plab korxonalar o’z mahsulotlarini turli xil ijtimoiy tarmoqlar va saytlar orqali reklama qilish va sotishga majbur bo’lishdi va bu hali hanuz o’z mavqeini saqlab, yanada rivojlanmoqda. Shu jumladan, online sayyohlik agentliklari ham tashkillashtirildi.
1-diagramma