Гарчи зуғум қилганларни ёқтирмадим, Шеър ёздиму бўлак ишни қотирмадим

Она тилим
Гарчи зуғум қилганларни ёқтирмадим,
Шеър ёздиму бўлак ишни қотирмадим.
Тилим туриб ўз тилимда гапирмадим,
Бир эсласам эзилади бағри-дилим,
Она тилим, кечир мени, она тилим.
Онам «эркам» деб қучганда тунлар ярим,
Эрким йўқ деб зирқирарди бир жойларим,
Паровозни ҳансиратган буғдойларим,
Олтинларим, маъданларим, ипакларим,
Она тилим, кечир мени, она тилим.
Кимлар учун биз эдик бир бадавийлар,
Ўзбекни қон қақшатганни узбек сийлар,
Ҳолимизни қон кузатди Яссавийлар,
Топганимиз ҳандалакдек тилим-тилим,
Она тилим, кечир мени, она тилим.
Кимдир майда миллат бўлди, кимдир катта,
Катта миллат — Афандиси йўкдир ҳатто,
Биз пиёда, биз боққанлар юрди отда,
Зулм ўтса фақат сендан ўтди зулм,
Она тилим, кечир мени, она тилим.
Сен бўлмасанг нима бизга силлик шеърлар,
Бу дунёда тили йўкда дил йўқ дерлар,
Баҳоинг-ку бериб кетган Алишерлар,
Юрагимнинг тўридаги сўлмас гулим,
Она тилим, кечир мени, она тилим.
Бир қарасам ҳар шевангда минг жилолар
Ҳар новдангда, ҳар мевангда минг жилолар.
Қодирийлар, Чўлпонлар-у, Абдуллолар,
Сенинг қайтган кунинг мен туғилган йилим,
Она тилим, эй муқаддас Она тилим.

Бир кун ўзинг учун яшагин Аёл!

Ҳаётнинг ҳар қандай шартига кўндинг, Айт қачон кўксингга тегибди шамол?! Бола - чақа дединг, рўзғор, иш дединг, Бир кун ўзинг учун яшагин Аёл! Сен- эрнинг айбини ёпгувчи қалқон, Оила кўркига берарсан сайқал. Майлига ҳар кунмас, лекин ҳар замон, Бир кун ўзинг учун яшагин Аёл! Шаффоф кўзгуларни қўлингга олиб, Олтин қўғирчоқдек ясангин хушҳол. Юзингга упа сурт, яхшилаб кийиниб, Бир кун ўзинг учун яшагин Аёл!  Гоҳида дард бирла тилинса бағринг, Гўё тўлишмайин қолгандай ҳилол. Қадрингни бунчалар арзон қилмайин, Бир кун ўзинг учун яшагин Аёл! Кунларни ўтказдинг елиб, югуриб, Қўй энди кўнглингни ёзгин келақол. Бугунча ёрнимас, ўзингни севиб, Бир кун ўзинг учун яшагин Аёл!

Шодлик ғамдан зиёда, Ташвиш қилиб нетасиз. Бу беш кунлик дунёда, Кулиб яшанг, ютасиз. Муаммолар бўлса кўп. Ишхонада иш тўп-тўп. Ҳаммасига деб хўп-хўп. Кулиб яшанг, ютасиз. Фарзандлар кўрсатар бўй, Қилишингиз керак тўй Ўйладингиз қандай ўй? Кулиб яшанг ютасиз. Гоҳи нотинч уйингиз, Дилга сиғмай куйингиз, Барини унутиб-сиз, Кулиб яшанг ютасиз. Тўлмаса рўзғор ғори, Газ, свет, керак дори, Шуми муаммо бори? Кулиб яшанг ютасиз. Эшитманг ҳеч миш-мишни. Ортга ташланг ташвишни. Қилинг шу битта ишни, Кулиб яшанг ютасиз. Оғритиб бошингизни Оқизманг ёшингизни. Отмасдан тошингизни. Кулиб яшанг ютасиз. Соғми ўғил-қизингиз. Топилар ризқ, тузингиз. Ўйланг ахир ўзингиз. Кулиб яшанг ютасиз. Топтаб ғурур, орингиз, Уришдими ёрингиз? Тақдирда шу борингиз, Кулиб яшанг ютасиз. Табассум сизга қалқон, Оила иссик макон, Арз килмасдан ҳеч қачон. Кулиб яшанг ютасиз. Яхши килиб ниятни, Кўтаринг кайфиятни, Ўқинг китобу-байтни. Кулиб яшанг, ютасиз. Қайғу томон солманг йўл, Севинчларга беринг қўл, Ишонинг, энг тўғри йўл, Кулиб яшанг, ютасиз