ГАжиниёз номидаги Нукус давлат педагогика институти ректори Б

XALQ QO‘SHIQLARI

Xalq qo’shiqlari-ajdodlar tomonidan yaratilgan ming asrlardan beri xalqimizda saqlanib kelinayotgan qo’shiqlar to’plamidir. Bu qo’shiqlardan hozirda ko’plab bayramlarda yoki kichkina bolalar o’yin o’ynashayotgan vaqtda foydalaniladi. Xalq qo’shiqlariga lapar, aytishuvlar ham kiradi.

Boshginam og’riydi
Oyijon, oyijon- ey
Boshginam og’riydi-yo
Boshginangdan onang aylansin nimalarga og’riydi-yo
Bozorlarda bo’lar emish
Do’konlarda sotar emish
Uning oti zarli do’ppi
O’shanga og’riydi-yo
O’shanga og’risa-yo, alam-o, alam.

Oyijon, oyijon-ey

Quloqqinam og’riydi-yo
Quloqqinangdan onang aylansin
Nimalarga og’riydi-yo
Bozorlarda bo’lar emish
Do’konlarda sotar emish
Uni oti tilla sirg’a
O’shanga og’riydi-yo
O’shanga og’risa-yo, alam-o, alam.

Oyijon, oyijon-ey

Oyoqqinam og’riydi-yo
Oyoqqinangdan onang aylansin
Yana nimalarga og’riydi-yo
Bozorlarda bo’lar emish
Do’konlarda sotar emish
Uning oti modniy tufli
O’shanga og’riydi-yo
O’shanga og’risa-yo, alam-o, alam.
DAFN MAROSIMI BILAN BOG‘LIQ URF-ODAT VA DASTURLAR

Dafn marosimida bizda joni chiqqan vaqtda ayol bo’lsa opasi yoki singlisi tomonidan, erkak bo’lsa akasi yoki ukasi tomonidan marram suviga endiriladi. Keyin ertasiga yerga qo’yishdan oldin soat 12 larda 5 yoki 7 odam tomonidan suvga cho’miltiriladi. Keyin kafaniga kiyintirib, zambilga mindiriladi. Hmma qarindoshlari va qo’shnilari tomonidan yerga qo’yishga olib ketiladi. Shu kuni yerga qo’yilib, janoza o’qiladi.

Dafn qilganidan 7 kun o’tib Qur’on o’qitiladi.Shundan keyin 40 kungacha har payshanba kuni Qur’on o’qitilib turiladi. Keyin 40 kun deganda qirqi sindiriladi. 100 kundan keyin 100i sindiriladi.dafn qilgan kunidan 7 yoki 9 oy o’tib Qur’on o’qitilib, sadaqa marosimi beriladi. Vafot etgan kunidan roppa-rosa bir yildan keyin har yili o’tgan kun sadaqa marosimi berilib turiladi.


H I S O B O T
Men bir oylik folklor amaliyoti davomida o’zim yashayotgan hududdagi ajdodlardan avlodlarga meros bo’lib kelayotgan urf-odatlarni, yashaydigan qishlog’im tarixini, xalq qo’shiqlarini va hikmatli so’zlarni yoshi kattalardan so’rab bilib oldim va ushbu kundalikka batafsil yozib chiqdim. Bu marosimlar ichida avval guvohi bo’lmagan marosimlar ham bor ekan. Folklor amaliyoti davomida ularni ham ko’rib bilib oldim. Biz o’zimiz yashayotgan hududimizning tarixi va urf-odatlarini bilmasak, uyat bo’ladi. Bu amaliyot davomida mening urf-odatlar haqidagi bilim darajam oshdi deb o’ylayman. Bu amaliyotdan mening xursand bo’lgan tarafim shuki, men yoshi ulug’ insonlar bilan maroqli suhbat o’tkazdim. Ular yoshi kata bo’lishiga qaramay shuncha ma’lumotni bilishar ekan.