G. Q. Hasanova, Z. B. Jalilov

6-MAVZU. METODIK ISHLAR, ULARNI REJALASHTIRISH, TASHKIL ETISH VA

TAYYORLASH METODIKASI

Tayanch iboralar: o’quv-uslubiy majmua, titul, mundarija, maruza, seminar va amaliy mashg’ulot, glossariy, taqvimiy reja.
6.1. Mutaxassislik fanlaridan o‘quv-uslubiy majmualarni tayyorlash
Oliy ta’lim muassasalarida O‘zbekiston Respublikasi Oliy va o‘rta maxsus ta’lim vazirligining 2017 yil 1 martdagi “YAngi o‘quvuslubiy majmualarini tayyorlash bo‘yicha uslubiy ko‘rsatmani tavsiya etpsh to‘g‘risida”gi 107-son buyrug‘i asosida tayyorlanadi.
O‘quv-uslubiy majmua - davlat ta’lim standartlari va fan dasturlarida belgilangan talabalarga muvofiq egallanishi lozim bo‘lgan bilim, ko‘nikma, malaka va kompeteitsiyalarni shakllantirish, fanga oid jahondagi ilm-fan, texnika, texnologiyalarning so‘nggi yutuqlarini, ilg‘or xorijiy tajribalarni keng yoritish va ularni hisobga olgan holda fan mavzularini shakllantirish, o‘quv jarayonini kompleks loyihalash asosida kafolatlangan natijalarga erishish, mustaqil bilim olish va o‘rganish hamda nazoratni amalga oshirishni ta’minlaydigan o‘quv^_uslubiy vositadir. O‘quv-uslubiy majmua talabaning ijodiy kobiliyatlarini rivojlantirishga yunaltirilgan o‘quv-uslubiy manbalar, didaktik vositalar va materiallar, elektron ta’lim resurslari, o‘qitish texnologiyasi, baholash metodlari va mezonlarini o‘z ichiga oladi.
O‘quv-uslubiy majmua Davlat ta’lim standarta, ta’lim yo‘nalishlari va mutaxassisliklarining malaka talablari asosida tuzilgan fan dasturiga muvofiq, shaxsga yo‘naltirilgan, rivojlantiruvchi va mustaqil ta’lim olish texnologiyalari, tamoyillari va talablari asosida ishlab chiqiladi.
O‘quv-uslubiy majmualarni ishlab chiqish uchun mualliflar jamoasi tashkil qilinishi, unga fan bo‘yicha professor-o‘qituvchilar, soha mutaxassislari, ta’lim yo‘nalishi bo‘yicha ta’lim yo‘nalishlari va mutaxassisliklarining malaka talablari hamda fan dasturlarini ishlab chiquvchilari, xorijiy tilni biladigan mutaxassislar, elektron ta’lim resurslarini yaratish bo‘yicha mutaxassis dasturchilar va dizaynerlar, uslubchilar kiritilishi maqsadga muvofiq.
Mualliflar jamoasi yaratiladigan o‘quv-uslubiy majmuaning konsepsiyasyni ishlab chikishi, reja tuzishi, mazmuniy-uslubiy tizimni bayon qilishi, komponentlar orasidagi o‘zaro integratsiyani joriy qilish yo‘llarini belgilashi va shu bilan birga o‘zlarining ijodiy qobiliyatini namoyish etishlari zarur.
Oliy ta’lim muassasalarda o‘quv-uslubiy majmualarni yaratish va takomillashtirish bo‘yicha seminar va treninglar tashkil kilinishi tavsiya etiladi.
Ishlab chikilayotgan o‘quv-uslubiy majmualar tegishli ta’lim yunalishlari va mutaxassisliklarining malaka talablari, fan dasturiga to‘liq javob berishi, soha va fan bo‘yicha zamonaviy xorijiy adabiyotlar, ilm-fan, texnika va texnologiyalarning eng so‘ngi yutuqlarini o‘z ichiga qamrab olgan bo‘lishi lozim.