G. Q. Hasanova, Z. B. Jalilov

Fan dasturining asosiy vazifalari:

• 
  fanga oid o‘quv materiallar mazmuni va tuzilmasini maqbul holatga keltirish va optimallashtirish, mashg‘ulotlar mavzularining mantiqiy ketma-ketligini hamda boshqa fanlar bilan mazmuniymantiqiy bog‘liqligini ta’minlash;
  
• 
  uzluksiz ta’lim tizimining ta’lim turlari o‘rtasidagi uzviylik va uzluksizligini, shuningdek, fanning mazmun va mavzulari boshqa ta’lim turlaridagi hamda turdosh yo‘nalishlardagi fanlarning mazmun va mavzulari bilan takrorlanmasligini ta’minlash;
  
• 
  fanga oid jahondagi ilm-fan, texnika, texnologiyalarning so‘nggi yutuqlarini, ilg‘or horijiy tajribalarni keng yoritish va ularni hisobga olgan holda fan mavzularini shakllantirish;
  
• 
  ta’lim shakli va o‘quv fanga ajratilgan vaqtga muvofiq o‘quv materiallarni mavzular va mashg‘ulotlar turlari bo‘yicha taqsimlash;
  
• 
  fanni o‘zlashtirish, talabalarda fanga oid kompetensiyalarni, kasbiy bilim va ko‘nikmalarni shakllantirish uchun zarur o‘quvuslubiy shartlar, o‘quv adabiyotlar va didaktik materiallarni belgilash;
  
• 
  baholash vositalari yordamida talabalar bilimini nazorat qilish shakllarini belgilash.
  

Fan dasturi uning asosiy maqsadi va vazifalariga to‘liq amal qilingan holda ishlab chiqilishi talab etiladi.
Fan dasturlarining mazmuni va tarkibi
Fan dasturi ta’lim jarayonining muhim me’yoriy-uslubiy xujjati bo‘lib, unda o‘quv materiallar ma’ruza, seminar, kollokvium, amaliy va laboratoriya mashg‘ulotlari, o‘quv va ishlab chiqarish amaliyotlari shaklida mantiqiy ketma-ketliklikda joriy etilishi, fanni o‘qitishda zarur hollarda kurs loyihasi, kurs ishi, mustaqil ish, chizma-hisob, ijodiy, laboratoriya va boshqa ishlar ularga ajratilgan vaqt me’yorlariga mosligini ta’minlagan holda qo‘llanilishi ko‘zda tutiladi.
Fan dasturi quyidagi tarkibiy qismlardan iboratdir:

• 
  fan dasturining titul varag‘i va uning sirt tarafidagi ma’lumotlar;
  
• 
  o‘quv fanining dolzarbligi va oliy kasbiy ta’lim dasturidagi o‘rni;
  
• 
  o‘quv fanining maqsadi va vazifasi;
  
• 
  asosiy nazariy qism (ma’ruza mashg‘ulotlari);
  
• 
  amaliyot, seminar va laboratoriya mashg‘ulotlari bo‘yicha ko‘rsatma va tavsiyalar;
  
• 
  mustaqil ta’lim va mustaqil ishlar;
  
• 
  o‘quv va ishlab chiqarish amaliyotlari;
  
• 
  asosiy va qo‘shimcha o‘quv adabiyotlar hamda axborot manbaalari.
  

Fan dasturining titul varag‘ida vazirlik nomi, Oliy ta’lim yo‘nalishlari va mutaxassisliklari klassifikatoriga muvofiq tegishli bilim, ta’lim sohalari va ta’lim yo‘nalish (mutaxassislik)larning shifri va nomlari, xarakatdagi o‘quv rejaga muvofiq fanning to‘liq nomi, ro‘yxatga olingan va tasdiqlangan sanalari va belgilari ko‘rsatiladi.
Fan dasturi titul varag‘ining sirtki tarafida uni tasdiqlagan vazirlik buyrug‘i, ma’qullagan Oliy va o‘rta maxsus, kasb-hunar ta’limi yo‘nalishlari bo‘yicha O‘quv-uslubiy birlashmalar faoliyatini Muvofiqlashtiruvchi Kengashning bayoni soni va sanalari, fan dasturini ishlab chiqgan oliy ta’lim muassasasi nomi, tuzuvchilar ismi, familiyasi, lavozimi, ilmiy daraja va unvonlari, taqrizchilar ismi, familiyasi, ish joyi, lavozimi, ilmiy daraja va unvonlari, fan dasturi ko‘rib chiqilgan oliy ta’lim muassasasi kengashi bayonining soni va sanasi keltiriladi.