G. N. Maxmudova innovatsion iqtisodiyot

Sanoat mulki ob’yektining huquqiy sub’yektlari 
Sanoat mulki ob’yektining muallifi. 
Ijodiy mehnati bilan sanoat 
mulki ob’yektini yaratgan jismoniy shaxs shu ob’yektning muallifi deb 
e’tirof etiladi.
 
Agar sanoat mulki ob’yekti bir nechta jismoniy shaxsning birgalikdagi 
ijodiy mehnati asosida yaratilgan boʻlib, ular oʻrtasida tuzilgan shartnomada 
boshqacha qoida nazarda tutilgan boʻlmasa, ularning barchasi shu 
ob’yektning teng huquqli hammualliflari deb e’tirof etiladi. 
Mualliflik huquqi boshqaga oʻtkazilmaydigan va topshirilmaydigan 
shaxsiy nomulkiy huquqdir. 
Patent egasi. 
Sanoat mulki ob’yektining patenti quyidagilarga beriladi:
 

sanoat mulki ob’yektining muallifiga (hammualliflariga) yoki uning 
(ularning) merosxoʻriga (merosxoʻrlariga); 

muallif yoki uning merosxoʻri tomonidan patent berish haqidagi 
talabnomada yoki sanoat mulki ob’yekti roʻyxatdan oʻtkazilgunga qadar 
Agentlikka topshirilgan talabnoma beruvchini oʻzgartirish haqidagi arizada 
koʻrsatilgan yuridik va (yoki) jismoniy shaxslarga (ularning oʻzi rozi boʻlgan 
taqdirda); 

ushbu moddada nazarda tutilgan hollarda ish beruvchiga. 
Xodim tomonidan oʻz xizmat vazifalarini yoki ish beruvchidan olgan 
aniq topshiriqni bajarish munosabati bilan yaratilgan sanoat mulki 
ob’yektining patentiga boʻlgan huquq, agar bu hol ular oʻrtasida tuzilgan 
shartnomada nazarda tutilgan boʻlsa, ish beruvchiga tegishli boʻladi. 
Ish beruvchi sanoat mulki ob’yektini sir saqlagan taqdirda muallifga 
(hammualliflarga) mutanosib ravishda haq toʻlashi shart, haq miqdori 
shartnomada belgilanadi. 
Patent egasi boʻlmagan, oʻz xizmat vazifalarini yoki ish beruvchidan 
olgan aniq topshiriqni bajarish munosabati bilan yaratilgan sanoat mulki 
ob’yektining muallifi (hammualliflari) tegishli sanoat mulki ob’yektidan 
foydalanilganligi yoxud unga oid litsenziya sotilganligi uchun haq olish 
huquqiga ega. Sanoat mulki ob’yektidan foydalanilganlik yoki unga oid 
litsenziyani sotganlik uchun tushayotgan mablagʻlar hisobidan muallifga 
(hammualliflarga) toʻlanadigan haqning miqdori, uni toʻlash shartlari va 
tartibi muallif (hammualliflar) hamda ish beruvchi oʻrtasidagi shartnomada 
belgilanadi. 

---

94