G‘. N. Mahmudov

 
5.6.4. Burilish ko‘rsatkichlari
 
 
   Burilish  ko‘rsatkichlari  avtomobilning  harakat  yo‘nalishini    o‘zgarti-rishi 
(burilishi,  orqa    tomonga  qaytishi  va  hokazo)  haqidagi  ma’lumotni  boshqa 
transport  vositalari  haydovchilariga  yetkazish    uchun    xizmat    qiladi.  Xalqaro 
standartlarga  ko‘ra  hamma  transport    vositalarining  old  va  orqa  tomonlariga  2 
tadan  to‘q  sariq  rangli  burilish  ko‘rsatkichlari  o‘rnatish  shart  deb  belgilangan. 
Hozirgi  zamon  qoidalariga    ko‘ra  qo‘shimcha  burilish  ko‘rsatkichlari  avtomobil-
ning yon tomoniga, qanotlarga, kabinaga yoki kuzovga o‘rnatiladi. 
   Burilish  ko‘rsatkichlari  dam  yarqirash,  dam  miltillash  rejimida  ishlaydi. 
Yarqirash-miltillash  chastotasi  1Gs  dan  (1  minutda  60  ta  yarqirash-miltillash) 
kam, 2Gs dan ko‘p bo‘lmasligi kerak. 
   Burilish  ko‘rsatkichlarining  yorug‘lik  taqsimlash  tafsifnomalari    ham    BMT 
YEIK ning №6 va №7 qoidalari bilan me’yorlashtirilgan. 
   Burilish  ko‘rsatgichlari  avariya  xabarchisi  vazifasini  ham  bajaradi.  Bu  holda 
avtomobilning  hamma  burilish  ko‘rsatkichlari  baravariga  yarqirash-miltillash 
rejimida ishlaydi.