G‘. N. Mahmudov

α
 
= 1
  ga teng bo‘ladi. 
Demak, har qanday yonilg‘i purkash tizimida silindrlarga kiritilayotgan havo 
massasini o‘lchovchi mexanizm bo‘lishi shart. 
Mono–Jetronic tizimida  havo  massasi  ikkita ko‘rsatkich,  ya’ni so‘rilayotgan 
havo  harorati  va  drossel  to‘siqchasining  holat  datchiklaridan  kelayotgan 
ma’lumotlar  asosida,  EBB  yordamida  hisoblanadi.  Havo  harorati  datchigi  juda 
kichik  o‘lchamli  yarim  o‘tkazgichli  termistor  bo‘lib,  u  markaziy  purkash 
forsunkasining  yuqori  qismiga,  bevosita  havo  oqimi  yo‘liga  o‘rnatiladi.  Drossel 
to‘siqchasi holati datchigi 8 rezistorli potensiometr bo‘lib, uning surilgichi drossel 
to‘siqchasining  burilish  o‘qiga  mahkamlangan.  Drossel  to‘siqchasining  har  bir 
muayyan  holatiga  qat’iy  belgilangan  hajmdagi  o‘tkazilgan  havo  miqdori  mos 
keladi.  Shuning  uchun  bu  tizimda  drossel  potensiometri  havo  o‘lchagich 
vazifasini  bajaradi.  Bundan  tashqari  Mono  –  Jetronic  tizimida  u    dvigatelning 
yuklama datchigi vazifasini ham bajaradi. 
Lekin  silindrlarga  so‘rilayotgan  havoning  massasi  sezilarli  darajada 
haroratga bog‘liq bo‘ladi. Sovuqda havo zichroq, demak og‘irroq bo‘ladi. Harorat 
ortishi  bilan  havoning  zichligi  ham,  uning  massasi  ham  kamaya  boshlaydi. 
So‘rilayotgan havo massasiga haroratning ta’siri havo harorati datchigi yordamida 
hisobga olinadi. 
Havo  harorati datchigining  qarshiligi  manfiy temperatura koeffitsientiga ega 
bo‘lib, harorat