Фузбекистон республикаси олий ва ўрта махсус таълим вазирлиги ислом каримов номидаги тошкент давлат техника университети

фУЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ
ИСЛОМ КАРИМОВ НОМИДАГИ ТОШКЕНТ ДАВЛАТ ТЕХНИКА УНИВЕРСИТЕТИ

Геология-қидирув ва кон-металлургия факультети Кончилик иши кафедраси 2020-2022 академик ўқув йиллари

Магистрант: Сайдирахимова М.И. Илмий раҳбар: т.ф.д., проф.Самадов А.У. Мутахассислик: 5А311603 Фойдали қазилмаларни бойитиш

МАГИСТРЛИК ДИССЕРТАЦИЯСИНИНГ АННОТАЦИЯСИ


Мавзунинг долзарблиги. Вольфрам минералларининг юқори солиштирма оғирликка эгалиги уларни рудалардан ажратишда гравитация усулларидан чўктириш, концентрацион столда ва шлюзларда бойитиш усулларидан фойдаланишга имкон беради. Гравитация усулларини қўллаш фақат йирик донали рудаларни бойитишда яхши натижалар беради. Гравитация усулида бойитишда вольфрам минераллари пуч тоғ жинсларидан осон ажралади. Агар рудада зичлиги вольфрамнинг зичлигига яқин кассетерит, магнетит, гранат ва оғир металларнинг сульфидлари каби минераллар иштирок этса, уларни гравитация усулида ажратиб бўлмайди ва улар вольфрам минераллари билан бойитмага ўтади. Бу бойитмадан сульфидлар тўпловчи сифатида ксантогенат ва бошқа реагентларни қўллаб флотация усулида ажратиб олиниши мумкин. Вольфрамли бойитмалардан олтингугурт ва мишякни куйдириш орқали, темир оксидларини эса кислотада эритиб йўқотилади. Шунинг учун вольрамли рудалардан қимматбаҳо компонентларни тўлиқ ажратиб олиш мақсадида замонавий, экологик тоза технологияни ишлаб чиқиш долзарб масала ҳисобланади.
Диссертация ишининг мақсади: Диссертация ишининг мавзуси Қўйтош кони вольфрамли рудасини бойитишнинг технологик схемасини ишлаб чиқиш ва саноатда қўллашга тавсия қилишдан иборат.
Тадқиқотлар объекти: Тадқиқотлар объекти сифатида Қўйтош кони вольфрамли рудасининг иккита намунаси ўрганилди. Тадқиқотлар предмети –Қўйтош кони вольфрамли рудасини бойитиш технологиясини ишлаб чиқиш.
Тадқиқотлар методикаси: Ушбу диссертация ишининг мазмунини ташкил қилувчи илмий-тадқиқот ишини бажариш жараёнида турли реагентлар ва лаборатория мосламалари ишлатилди. Вольфрамли рудаларни бойитишнинг технологик схемасини ишлаб чиқишдаги муҳим масала ўрганилаётган руданинг моддий ва минералогик таркибини, улардаги қимматбахо компонентларнинг жойлашиш ва бир – бири билан боғланиш шаклини ўрганиш ҳисобланади. Диссертация ишида таҳлилнинг замонавий физик, физик – кимёвий ва кимёвий усулларидан фойдаланилди.
Ишнинг илмий жиҳатдан янгилиги: Диссертация ишида қуйидаги масалалар кўриб чиқилди: Руда намунасининг моддий таркибини ўрганиш; Рудани гравитация усулида бойитиш имкониятларини ўрганиш;Рудани флотация усулида бойитиш имкониятларини ўрганиш, бойитиш замонавий , иктисодий жихатдан самарали бойитиш технологияси ишлаб чикилган ва тавсия қилинган..
Тадқиқотларнинг илмий ва амалий аҳамияти: Қўйтош кони руда намунасининг моддий таркибини аниқлаш учун иккита намуна ажратилди. Бу намуналарнинг моддий таркиби спектрал, кимёвий, минералогик ва гранулометрик тахлиллар ёрдамида ўрганилди. Кимёвий тахлил натижаларига кўра 1-намунадаги WO₃ нинг миқдори 0,52%, 2-намунадаги WO₃ нинг миқдори 0,28% ни ташкил этади. Намунаалардаги олтиннинг миқдори 0,16 ва 0,1 г/т . Вольфрамли руда намуналарининг бойитилувчанлиги гравитация ва флотация усулларида ўрганилди. Олиб борилган тажрибалар асосида 1-намунадан WO₃ нинг ажралиши 53,4% ни, 2-намунадан эса WO₃ нинг ажралиши 66,8%. Шеелитли минераллардан WO₃ ни ажратиш флотация усули қўлланилди. Шеелитли флотациялаш схемаси асосий, 2-3 та тозалаш ва назорат флотацияларини ўз ичига олган анъанавий схема бўйича оллиб борилди. Бунда 1-намунадаги WO₃ нинг миқдори 1,95% ни, WO₃ нинг бойитмага ажралиши 69,8% ни ташкил этди. 2-намунани флотациялашда фақат олеин кислотаси ишлатилди. Натижада олинган бойитмадаги WO₃ нинг миқдори 0,71% ни, бойитмага ажралиш эса 71,5% ни ташкил этди. Шундай қилиб, Қўйтош кони вольфрам сақловчи рудаларининг бойитилувчанлигини ўрганиш натижасида қуйидагиларга эришилди: руда намунасининг моддий таркиби спектрал, кимёвий, минералогик, гранулометрик тахлиллар ёрдамида ўрганилди; руданинг бойитилувчанлиги гравитация усулида классификацияланган ва классификацияланмаган намуналарда ва флотация усулида ўрганилди; Қўйтош кони рудасини бойитиш учун технологик схема тавсия қилинди.
Диссертациянинг таркиби: Диссертация 4 та боб, компьиютерда терилган 80 бетдан иборат бўлиб, 8 та расм, 26 та жадвал, хулоса ва 36 номдаги адабиётлар рўйхатини ўз ичига олади.
Чоп этилган мақолалар: Диссертация мавзуси бўйича иккита мақола тайёрланди ва чоп этилди:
1. Магистрант ФГР и ГМ Сайдирахимова М.И. , науч. рук. проф. Самадов А.У.. “Изучение вещественного состава вольфрамсодержащих руд месторождения Койташ” . Сборник статей VII Международной научно-практической конференции “Актуальные вопросы и современные аспекты”, 10 май 2021 г. г. Пенза. с.70-72.
2. I.K. Umarova, A.U.Samadov, Saydirahimova M.I. ”Development of the texnological scheme for the enrichment of tungsten cantaining ores of the Koytash deposit” ”.4^rd International scientific and technical conference “Innovative development of resource-saving technologies and sustainable use of natural resources. Petrosani, Romania, November 12, 2021.p.150-152.
3. ИК.Умарова, М.И.Сайдирахимова. Особенности обогатимости вольфрамсодержащей руды месторождения Койташ. Рсспубликанская научно-техническая конференция “Фундаментальные исследования и практические разработки при перерботке минерального сырья и техногенных отходов”. Алмалык, 10 декабря 2021 года.

Илмий раҳбар: т.ф.д., проф. Самадов А.У.

Магистрант Сайдирахимова М.И.