Future-owners-klub-nizomi pdf

3-bob. Klubga a’zo bo‘lish tartibi
7. Klub a’zoligiga o‘z sohasi bo‘yicha yangi bilimlar egallashga
qiziqishi bor va kelajakda rahbarlik lavozimlarida faoliyat yuritish istagida
bo‘lgan, shaxsiyatni shakllantirish bo‘yicha yangi bilim va ko‘nikmalarni
o‘rganishga ehtiyoji bor, liderlik qobiliyatlariga ega bo‘lish, o‘qish va faoliyatda
ijobiy yutuqlarga erishishni maqsad qilgan "Qishloq xo‘jaligini
mexanizatsiyalash" fakultetida bakalavr hamda magistratura bosqichida tahsil
olayotgan talaba yoshlar qabul qilinishi mumkin.
8.
Klub a’zoligiga qabul qilish ochiq tanlov orqali amalga oshiriladi
va tanlov har yili bir marotaba o‘quv yili boshlanganidan so‘ng uchinchi o‘n
kunlikda e’lon qilinadi. Qo‘shimcha ravishda klub prezidenti tomonidan
o‘quv yili davomida yuqori natijalarni qo‘lga kiritgan klub a’zoligiga
qo‘shilish istagida bo‘lgan iqtidorli talabalar yozma arizasiga asosan qabul
qilinishi mumkin.
9.
Klub a’zoligiga tanlov jarayonlarida har bir nomzod qoida
tariqasida quyidagi ikki bosqichdan o‘tishlari talab etiladi: 
1-bosqich: Nomzodning shaxsiga oid ma’lumotlarni shakllantirish. Bunda
har bir nomzod belgilangan shakldagi ma’lumotlarni elektron so‘rovnomada
yoki oddiy hujjat (anketa) ko‘rinishida to‘ldiradi;
2-bosqich: Nomzodning ijodiy va fikrlash salohiyatini baholash
maqsadida “Vatanimiz rivojida tutgan o‘rnim” yoki “Oliy maqsadim”
mavzusida 250-300 so‘zdan iborat esse (insho) yozish.
10. Nomzodlar arizalarini ko‘rib chiqish va ijodiy ishlarini baholash
vazifasi fakultet Yoshlar kengashi tomonidan tuzilgan maxsus ishchi guruh
zimmasiga yuklatiladi. Amaldagi fakultet Yoshlar etakchisi yoki Klub
prezidenti taklifiga ko‘ra nomzodlar ijodiy ishlarini baholashda shaffoflik va
xolislikni ta’minlash maqsadida fakultet dekanati yoki universitet
ma’naviyat bo‘limi yordamidan foydalanishlari mumkin.

---

11. Mazkur belgilangan bosqichlardan muvaffaqiyatli o‘tgan, eng
munosib deb topilgan 20 nafar yoshlar klub a’zoligiga qabul qilinadi.
A’zolar soni klub talab va ehtiyojiga ko‘ra oshirilishi yoki qisqartirilishi
mumkin.
12. Klubga a’zolik muddati o‘quv kursiga mos ravishda Klub
prezidenti tomonidan ikki yildan to‘rt yilgacha muddatga belgilanishi
mumkin.