Furqat indd

2. JCh-2010. Italiya
2006-yilda Marchello Lippi bilan jahon chempionligini qo‘lga 
kiritgan Italiya, 2010-yilda mazkur murabbiy bilan mundialning gu-
ruh bosqichidan ham chiqa olmaydi. Yangi Zelandiya va Paragvay 
bilan murosa yo‘lini tanlagan italyanlar, oxirgi turda Slovaklarga 
imkoniyatni boy berib, hattoki Yangi Zelandiyaliklardan ham ort
-
da qolib, guruhda oxirgi pog‘onani egallashdi. Ha amaldagi jahon 
chempionlari bu qadar sharmanda bo‘lishini hech kim kutmagani 
bor gap.
1. JCh-2002. Fransiya
Amaldagi jahon chempionlari Osiyo qit’asidagi mundialni shar-
mandali tarzda tark etishdi. Senegal va Daniyaga imkoniyatni boy 
bergan Zidan boshchiligidagi fransuzlar, Urugvay bilan nursiz 
durangga imzo chekishdi. Shu tariqa guruh bahslarida g‘alaba qo-
zonish u yoqda tursin, hattoki raqiblar darvozasini ishg‘ol qila olma
-
gan Fransiya terma jamoasi guruhda oxirgi pog‘onani egalladi.

---

367
FUTBOL FALSAFASI
MUNDIAL 
Buyuklar xit-paradi
Millionlar o‘yinida nom qozonishning yo‘llari ko‘p. Kimdir ma-
horat orqali shuhratga erishadi, boshqa birov umuman o‘zgacha ish 
tutadi. Qolaversa, futbolchilar orasida ham boshqa kasb egala riga 
havas qiladiganlar yetarli. Quyida aynan shunday buyuklardan tu-
zilgan o‘ziga xos reyting havola etilmoqda.
Eng buyuk qo‘shiqchi
Futbol qiroli sifatida tan olingan Pelening Braziliyada bir nechta 
albomi sotuvga chiqqan. “Maestro” ko‘proq samba yo‘nalishida ijod 
qilardi.
...piyonista
Sobiq hujumchi, ingliz Pol Gaskoyn o‘yinlar arafasida giyohvand 
modda va 9 stakancha brendi iste’mol qilib maydonga tushganini 
ochiq tan olgan. Boz ustiga, faoliyatidagi “shedevr” gollarida mast-
likning ulushi borligini ham alohida ta’kidlagan. Ba’zi uchrashuvlar-
dan oldin esa birgina qizib olish uchun naq ikki shisha viski ichgan 
ekan. Bular hali holva – bordi-yu, jamoasi mag‘lubiyatga uchrasa, 
Gazza bir o‘tirishda 13-15 shisha pivo bilan alamidan chiqqan.

---

368