Furqat indd

Yusupov FURQAT
lari o‘zaro kuch sinashdilar. Roje Federer yetakchiligidagi chapdast 
yigitlar Rafael Nadal jamoasini ikki taym natijalariga ko‘ra, 6:2 va 
6:4 hisoblarida dog‘da qoldirishdi. 
Ayollar futbolida ham qizg‘in kurash kuzatildi. Unda bosh sovrin 
uchun AQSH va Rossiya termalari da’vogarlik qilishdi. Rossiya-
liklar sardori Mariya Sharapova va vitse-sardor Anna Kurnikovalar 
har qancha noz-qarashma qilib, hakamlarni chalg‘itishga harakat 
qilmasin, opa-singil Uilyamslar qarshiligini yengolmadi. Natijada, 
uchrashuvda 6:4 va 4:6 hisoblari qayd etildi. Penaltilar seriyasida Di-
nara Safina xatoga yo‘l qo‘yib, mag‘lubiyat sababchisi bo‘ldi. 
Akrobatika bahslarida maydon egalari vakili Server Jeparov 
O‘zbekiston delegatsiyasi hisobiga ilk oltin medalni tuhfa qildi.
Futbolimpiyoda bahslariga shaxmat ham kiritilgandi. Uning 
finalida gollandiyalik tajribali shaxmatchi Guus Xiddink va angli
-
yalik Aleks Fergyussonlar ro‘para kelishdi. Klassik shaxmatda Xid-
dink ustunlik qilgan bo‘lsa, tezkor, ya’ni vaqti cheklangan o‘yinda 
Fer gyusson g‘olib chiqdi. Natijada, hakamlar brigadasi g‘oliblikni 
Yoaxim Lyovga tuhfa qilib yuborishdi.
Eng qadimiy sport turlaridan biri bo‘lgan muxlislar bilan torti-
shuv bahsida italiyalik Balotelli, raqibga tupurish musobaqasida Rudi 
Fyoller g‘olib chiqib, o‘z nomlarini tarix sahifalarida qoldirishdi.
Shu tariqa Nukusda o‘tkazilgan va tush orqali “efir”ga uzatilgan 
1-futbolimpiyoda o‘yinlari nihoyasiga yetdi. Uni Furqat Yusupov, 
Ilhom Abdurahmonovning yo‘l-yo‘riq ko‘rsatishi yordamida sharh-
lab bordi. “InterFutbol”da yana do‘lananing tagida pinak qilguncha 
xayr, azizlar. Sog‘-omon bo‘ling. 
2010

---

41
FUTBOL FALSAFASI
II-Futbolim...piyoda oxiriga yetmadi
Meni yaxshi tanimaysiz. Ammo kimning farzandi ekanligimni 
aytsam, qisman bo‘lsa-da tanish chiqamiz. Bundan roppa-rosa to‘rt 
oy muqaddam mening otam olim “piyoda” o‘zining fantaziyasi bi-
lan yaratilgan yangi musobaqa – futbolim...piyoda haqidagi repor-
tajni sizlarga havola etgandi. Agar yodingizdan ko‘tarilgan bo‘lsa, 
eslatib qo‘yishim mumkin, reportaj “Nukus futbolim...piyodasi 
yakuniga yetdi”, deb nomlangandi. 
Ushbu yangi musobaqa tufayli otam Perd Kuberten kabi tarixdan 
munosib joy egalladi. Bilasiz, o‘zbekning bolasi otasiga o‘xshashni 
orzu qiladi. Men ham bundan mustasno emasman. Hech bo‘lmagan-
da “Interfutbol” sahifalarida muhrlanib qolsam deyman. Qachondir 
ushbu gazetaning sarg‘aygan sahifalarini titkilab farzandlarimga 
“Mana, ko‘rlaring, bobong kim bo‘lgan-u, otang kim bo‘lgan”,
 
deb 
bir maqtanib olaman. Farzandlarim otalaridan faxrlanib yurishsin. 
Nima dedingiz? 
Yoshing nechada deysizmi? Buning nima ahamiyati bor? Juda 
bilgingiz kelayotgan bo‘lsa mayli, aytsam ayta qolay. Endi 15 
ga to‘ldim. Hozircha maktabda o‘qib-uxlab yuribman. Kelajak-
da zo‘r jurnalist bo‘lmoqchiman. Otam kabi fermer bo‘lib yurish 
menga to‘g‘ri kelmaydi. To‘g‘ri, otamdan hozircha o‘tib tushgan 
joyim yo‘q. U kabi men ham uyquchiman. Yana xayol surishni 
yaxshi ko‘raman. Xayollarimda Maradona, Messi, Ronaldular bi-
lan birga futbol o‘ynayman. Ko‘pincha ularni dog‘da qoldirib olq-
ishlarga (aniqrog‘i, dashnomlarga) sazovor bo‘laman. Otamdan 
farqim shuki, u do‘lananing tagida mijja qoqishni yaxshi ko‘ra-
di. Men esa partaga bosh qo‘yib uxlash ma’qulroq deb hisoblay-
man. Ham dars o‘tadi, ham vaq tim. Qalay, mantiqan fikrlashim 
chakkimasa?

---

42