Fuqarolik jamiyati taraqqiyotida

O’zbekiston – milliy 
taraqqiyotning yangi 
bosqichida

---

6 
yangi to’lqini, el-yurt bilan bamaslahat ish tutish, odamlarni tinglash, ularning 
hayotiy muammolarini hal qilish tajribasi dunyo hamjamiyati oldida 
O’zbekistonning yangi maqomini, mamlakat rahbariyati olib borayotgan siyosatning 
yangicha ma’no-mazmunini namoyon etmoqda. Ayniqsa, “Milliy tiklanishdan – 
milliy yuksalish sari”
 
shiori ostida butun xalqni ruhlantirishi, nafaqat xalqimiz, balki 
jahon hamjamiyati tomonidan ham yuqori baholanmoqda. 
 
O’zbekistonning bugungi milliy taraqqiyot yo’li, uning quyidagi amaliy 
faoliyatida yaqqol namoyon bo’lmoqda: 
 
Birinchidan,
dunyoda turli ko’rinishdagi qonli mojarolar, diniy va irqiy 
kelishmaslik, iqtisodiy muammolar odamlar, ayniqsa, yoshlar hayotini larzaga 
keltirib turgan, yosh yigit-qizlar ongini egallash uchun kurash avjiga chiqqan bir 
sharoitda O’zbekiston mustaqilligini mustahkamlash, tinch-totuv hayotimizga rahna 
solishga qaratilgan harakatlarga yo’l qo’ymaslik, xalqimizga xos mehnatsevarlik, 
bag’rikenglik, sabr-bardosh kabi fazilatlarni saqlab qolish borasidagi ishlarimiz, 
maqtovga loyiqdir. Ayniqsa, so’nggi yillarda davlat-jamiyat-shaxs munosabatlarida 
yuz bergan, fuqarolar, yoshlar, xotin-qizlarning ijtimoiy faolligidagi o’zgarishlar 
alohida ahamiyat kasb etmoqda. 
Ikkinchidan,
hech bir mamlakat o’zi yolg’iz holda taraqqiy etgan emas. 
Chunki murakkab dunyoning ko’pdan-ko’p muammolari aynan hamkorlikda, 
do’stona tarzda hal etiladi. Shu jihatdan qaraganda, O’zbekistonda xavfsizlik, 
millatlararo totuvlik va diniy bag’rikenglikni ta’minlash, chuqur o’ylangan, o’zaro 
manfaatli va amaliy ruhdagi tashqi siyosat yuritish orqali davlat mustaqilligi va 
suverenitetini mustahkamlash, qo’shnilar bilan raqobat qilish emas, balki hamkorlik 
qilish, mintaqadagi muammolarni birgalikda hal etish tamoyiliga qat’iy amal 
qilinayotganligi jahon hamjamiyati tomonidan e’tirof etilmoqda. 
O’zbekiston Markaziy Osiyoda aholisi jihatidan eng katta mamlakat. Chunki 
mintaqadagi jami 65 million atrofida aholi yashasa, uning teng yarmi 
mamlakatimizda istiqomat qiladi. Bundan tashqari, mamlakatimiz bugungi 
iqtisodiy, ilmiy, ma’naviy-ma’rifiy salohiyati, jahon maydonida erishgan yutuqlari 
alohida ahamiyat kasb etmoqda. Amalda xalqimiz kimlarning avlodi ekanini, 

---

7 
nimalarga qodirligini namoyon etmoqda. Dunyo bizga hurmat ko’rsatishga, biz bilan 
yaqindan hamkorlik qilishga kirishdi. Qo’shnilarimiz bilan yaqin do’stona 
munosabatlar esa, birinchidan, bizning milliy manfaatlarimizga to’la mos kelsa, 
ikkinchidan, buni xalqaro maydondagi obro’-e’tiborimiz ham talab qiladi.