Фуқаролар учун

Давлат томонидан маблағ жалб қилиш 
– активларни жалб этилиши ва бунинг 
натижасидаЎзбекистон Республикасининг 
қарз олувчи сифатидаги ёки қарз олувчи-
резидентларнинг кредитларини (қарзларини) 
тўлашга кафил сифатидаги мажбуриятлари 
юзага келишидир.
Давлат ғазначилик облигациялари
– 
бу аҳоли ва юридик шахслар ўртасида 
жойлаштириладиган ва пул маблағларини 
сақловчилар томонидан уларнинг бюджетга 
киритилишини тасдиқлайдиган ва ушбу 
қимматли қоғозларга эгалик қилиш муддати 
давомида қатъий белгиланган даромад 
олиш ҳуқуқини берадиган давлат қимматли 
қоғозларидир.
Давлат бюджети тақчиллиги
– муайян 
даврда 
Ўзбекистон 
Республикасининг 
Давлат бюджети харажатларининг унинг 
даромадларидан ошиб кетиши.
Давлат бюджетининг бирламчи тақчил-
лиги
– бу муайян даврда Давлат бюджети 
харажатларидан давлат қарзига хизмат 
кўрсатиш бўйича фоиз тўловларини чиқариб 
ташлаган ҳолда ҳисобланадиган Давлат 
бюджети тақчиллиги.
Ғазначилик
– Давлат бюджетининг ижросини 
амалга оширувчи махсус ваколатли молия 
органи.
Консолидациялашган бюджет
– бюджет 
тизими бюджетларининг барча тушумларини 
ҳамда харажатларини ҳисобга олиш ва таҳлил 
қилиш мақсадида шакллантириладиган 
бюджет. Консолидациялашган бюджет 
таркибига Давлат бюджети, Давлат 
мақсадли жамғармаларининг бюджетлари 
ва Ўзбекистон Республикаси Тикланиш ва 
тараққиёт жамғармаси маблағлари киради.
Бюджетлараро 
трансфертлар
– 
Ўзбекистон Республикасининг республика 
бюджетидан Қорақалпоғистон Республикаси 
бюджетига, вилоятлар ва Тошкент шаҳар 
маҳаллий бюджетларига, давлат мақсадли 
жамғармаларига ҳамда бунинг аксича 
ўтказиладиган, шунингдек Қорақалпоғистон 
Республикасининг республика бюджетидан, 
вилоятларнинг вилоят бюджетларидан ва 
Тошкент шаҳрининг шаҳар бюджетидан 
туманлар ва шаҳарлар бюджетларига ҳамда 
бунинг аксича ўтказиладиган маблағлар.
Маҳаллий бюджет
– Давлат бюджетининг 
тегишли вилоят, туман, шаҳар пул маблағлари 
жамғармасини ташкил этувчи бир қисми 
бўлиб, унда даромадлар манбалари ва 
улардан тушумлар миқдори, шунингдек, 
молия йили мобайнида маблағлар сарфи 
йўналишлари ва миқдори назарда тутилади.