«Фуқаролар учун бюджет»

Ҳудудий молия органлари – Қорақалпо- ғистон Республикаси Молия вазирлиги,
вилоятлар ва Тошкент шаҳар ҳокимликларининг молия бошқармалари, туманлар ва шаҳарлар ҳокимликларининг молия бўлимларидир.
Молия йили – биринчи январдан ўттиз биринчи декабрь куни охиригача бўлган вақтни ўз ичига олувчи даврдир.
Фискал сиёсат – давлатнинг солиқ солиш ва бюджет харажатлари соҳасидаги иқтисодиётни тартибга солиш мақсадида олиб борадиган сиёсати
Фискал қоидалар – давлат молияси ҳолатини, яъни Давлат бюджети тақчиллиги, давлат қарзи, янги қарзлар, давлат харажатлари ва даромадларини тавсифловчи миқдорий мақсадли мўлжаллар ва фискал индикаторлар орқали ифодаланадиган солиқ-бюджет сиёсатининг узоқ муддатли чекловлари.
Фискал таваккалчиликлар — бюджет жараёни иштирокчилари учун бюджет тизими бюджетлари маблағларини шакллантириш ва сарфлашда молиявий ресурслардаги йўқотишларни баҳолаш.
Фискал стратегия – ўрта муддатли даврга мўлжалланган солиқ ва бюджет сиёсатининг асосий йўналишларини ўз ичига олувчи ҳужжат.
Меҳнатга ҳақ тўлаш жамғармаси – меҳнатга ҳақ тўлаш, қўшимча ҳақлар, мукофот пуллари тўлаш учун харажатларни молиялаштирувчи аниқ мақсадли манбадир.
Харажатларнинг вазифа жиҳатидан таснифи – давлат бошқаруви органлари, маҳаллий давлат ҳокимияти органлари, шунингдек, бошқа бюджет ташкилотлари томонидан ижро этилувчи асосий функциялар бўйича харажатларни гуруҳларга ажратилишидир.
Харажатларнинг иқтисодий таснифи – харажатларни иқтисодий йўналиши ва тўлов турлари бўйича гуруҳланишидир