Fotoenergetikada nanostrukturali yarimo‘tkazgich materiallar II xalqaro ilmiy anjumani

Fotoenergetikada nanostrukturali yarimo‘tkazgich materiallar

II xalqaro ilmiy anjumani 
 
19-20 noyabr 2021 yil 
288 
компьютерларнинг пайдо бўлиши компьютерли моделлаштириш сифатида 
бундай кўринишдаги назарий тадқиқотларни ривожлантиришга кенг 
имкониятлар яратиб бермоқда. Илгари қайд қилинганидек, компьютерли 
моделлаштириш методи билан наноўлчамдаги атом системаларини-
наносистемаларни, ҳеч бўлмаганда битта йўналишда бирлаб, ўнлаб ёки 
юзлаб нанометр ўлчамдаги наноситемаларни ўрганиш тадқиқотчиларда катта 
қизиқиш ўйғотмоқда. Агар битта йўналишда ўлчам чегараланган бўлса, у 
ҳолда наноплёнкалар, агар икки йўналишда чегараланган бўлса наноиплар, 
агар уч йўналиш бўйича чегараланган бўлса нанозарралар билан иш кўрамиз. 
Бундан ташқари кўпинча наноструктурали системалар-материаллар, 
қурилмалар, буюмлар ва бошқа ўзаро нанообъектларнинг бирикмаларидан 
иборат макроскопик системалар ҳақида кўп гапирилади. 
Бунда наносистема (нанозаррачанинг хусусиятлари) деганда массив 
модданинг наноўлчамдаги “бир парчаси” деб ҳисобламаслик керак, у 
ўзининг ноёб ва кутилмаган хоссаларини намоён қиладиган модданинг 
махсус ҳолатидир. Нанозаррачанинг формаси ва симметрияси ўзининг 
туғишган кристаллига умуман ўхшамаслиги мумкин. Бунга энг ёрқин мисол 
сифатида углероднинг аллатропик шаклларини –олмос, графит, фуллерен, 
углеродли нанонайчаларни қараш мумкин. 
Наносистемаларни электрофизик хоссалари нуқтаи назаридан 
қараганда, наносистемалар ҳажмий материаллардан уларда тўлқин 
функцияларнинг қўшилиб кетишини кучли равишда чегаралаб тураолиши 
ҳисобига юз берадиган квант эффектларининг ўрни билан фарқланади. 
Нанозарраларнинг электрон структураси ҳажмий жисмларнинг электрон 
структурасидан, айниқса Ферми сатҳи соҳасида тубдан фарқ қилади. Металл 
ўтказувчанликли материаллар диэлектрикларга ва яримўтказгичларга, 
диэлектриклар эса металларга ўтиб қолиши мумкин. Шу билан бирга магнит 
хоссалари кутилмаганда ўзгариши мумкин: кўпчилик магнит хоссалари 
инерт бўлган жисмлар наносатҳда магнитланиш қобилятини эгаллаши 
мумкин. Шунинг учун нанозарралар ва наносистемаларнинг электрон ва 
магнит структурларини ўта синчиклаб тадқиқ қилиш талаб этилади.