Forma elementlari

FORMA ELEMENTLARI

FORMA YARATISH

Ma’lumot va qiymatlarni saqlash, kiritish, qayta ishlash, taxrirlash, muhimi serverga yuborish uchun formadan foydalaniladi. Formaning ichida yoziladigan teglar asosida akslantiriladigan ob’ektlarni elementlari, serverga qiymat yuborish uchun xizmat qiladigan ob’ektlarni esa – darchalari deb yuritamiz. Forma form tegi yordamida yaratilib, o’z ichiga ma’lum qiymatlarni qabul qiladigan darchalarni mujassamlashtirgan quti vazifasini bajaradi. Serverga ma’lumotlar shu quti xususiyatiga qarab jamlanib yuboriladi.

FORMA YARATISH

form teg quyidagi alomatlarga ega:

accept-charset – yuborilayotgan yozuvlar kodlamasining nomi, qiymati: satr.

action – qiymatlar yuboriladigan server manzili, qiymati: ishorat. Ko’rsatilmasa, joriy veb-sahifa manzili olinadi.

autocomplete – foydalanuvchi darchalarga oldin qiymat kiritgan bo’lsa, veb-sahifa qayta yuklangandan keyin dastavval ob’ektlarda o’sha qiymatlar qo’yilishini ta’minlaydi. Mantiqiy tur qabul qiladi.

FORMA YARATISH

method – qiymatlarni serverga yuborish usuli. Aniqlangan tur:

get – qiymatlarni darchalarning nomi ortidan «=» belgisidan keyin yozib, «&» belgisi bilan birlashtirib, «action» da ko’rsatilgan ishoratdan so’ng «?» belgisi bilan ulab, yangi ishorat hosil qiladi va shu yo’sinda ma’lumot yuboradi. Bunda barcha yuborilayotgan ma’lumotlar foydalanuvchi tomonidan o’qish va o’zgartirishga qulay. Albatta juda uzun va katta hajmdagi qiymatlarni ushbu yo’l bilan yuborish maqsadga muvofiq emas, unda ko’pi bilan 4 Kb ma’lumot jo’natish mumkin.

post – formadagi darchalarning qiymatlarni foydalanuchiga ko’rinmaydigan tarzda yuborishni ta’minlaydi. Albatta, bunda serverda o’rnatilgan maxsus chegaragacha bo’lgan hajmdagi qiymatlarni va xatto fayllarni yuborish imkoniyati mavjud.

put – ma’lumotlarni fayl matnida yuborish. Umuman olganda forma yordamida serverga hamma ma’lumotlar bitta fayl sifatida jo’natiladi.