Fizikaviy kimyo

Termoximiya. Tuzning erish issiqligini topish

1-ish.ANORGANIK BIRIKMALARNING ERISH ISSIQLIGINI ANIQLASH

Protsesslarning issiqlik effektlarini maxsus kalori-metrlarda o‘lchanadi. Kalorimetrning eng sodda ko‘rinishi 3-rasmda berilgan. Bu turdagi kalorimetrlar: 1- izotermik qobiqdan; 2- termometrdan; 3- o‘lchash idishidan; 4- qopqoq; 5- aralashtirgich; 6- o‘lchanayotgan modda solinadigan idishcha- oson sinadigan ampuladan va 7- shisha tayoqchadan (ampulani sindirish uchun) iboratdir.

Harorat o‘zgarishini odatda, Bekman termometrii orqali o‘lchanadi.

Ishni bajarish uchun 3 o‘lchash idishiga 400-500 sm³ erituvchi suyuqlik qo‘yiladi. Suyuqlikning og‘irlik miqdori bo‘sh idish va suyuqlik solingan idish og‘irligini aniqlikda tortib olish orqali aniqlanadi. Suyuqlik harorati 1 izotermik qobiq haroratiga yaqin bo‘lishi kerak. So‘ngra ampulaga sinalayotgan modda solinadi. Moddaning og‘irligini bo‘sh ampulaning og‘irligi va modda bilan birgalikdagi og‘irligi farqini 0,0002 aniqlikda aniqlanadi.

Suyuqlik solingan 3 idishni 1 izotermik qobiq ichiga solib, 4 qopqoq berkitiladi va maxsus teshikcha orqali modda solingan ampulani tushiriladi.

Kalorimetrik o‘lchash ishini quyidagi tartibda olib boriladi:

Bekman termometri o‘rnatiladi; kalorimetr doimiysi aniqlanadi; protsessning issiqlik effekti o‘lchanadi.