Fizikaviy kimyo fanidan laboratoriya mashg`ulotlari uchun

Tajriba:

Asbob yig‘ib tayyorlanadi, bunda kontaktlar yaxshi ulanganligi va similar butunligi sinchiklab tekshiriladi.

Idish konstantasi topiladi.

Konsentratsiyasi ¹/₈ H, ¹/₁₀ H, ¹/₃₂ H va ¹/₆₄ H bo‘lgan sirka kislota eritmasining elektr o‘tkazuvchanligi o‘lchanadi. Eritmalar 1n eritmani suyultirish yo‘li bilan tayyorlanadi.

elektr o‘tkazuvchanlikni topishdan ilgari idish va elektrodlar avval suv bilan, so‘ngra elektr o‘tkazuvchanlikni topish kerak bo‘lgan sirka kislota eritmasi bilan yuviladi va shundan keyin, tekshiriladigan eritma idishga quyiladi.

Tekshirilayotgan eritmalarning ekektr o‘tkazuvchanligi magazinning shunday qarshiligida o‘lchanadiki, bunda suriluvchi kontakt reoxord shkalasining taxminan o‘rtasida turadi.

Amaliy ish quyidagicha bajariladi. Ustanovka yig‘ib batamom tayyor qilingach, telefon quloqqa tutib olinadi va kontakt reoxord o‘rtasiga suriladi; zanjirga tok beriladi va telefondan kelayotgan ovozni eshitib turib, eng sekin eshitilayotgan qarshilik tanlab olinadi. Shundan keyin kontaktni o‘ngga va so‘lga surish yo‘li bilan elkalar nisbati AB/BV o‘zgartiriladi, bunda telefondan kelayotgan tovush juda pasaygan yoki butunlay eshitilmay qolgan nuqta topiladi.

Tekshirilayotgan eritma qarshiligi R_x quyidagi formula bilan hisoblab chiqariladi

Bunda R-qarshiliklar magazinining qarshiligi;

a-AB reoxord elkasining uzunligi;

b- BV elkaning uzunligi.

Tekshirilayotgan eritmaning solishtirma elektr o‘tkazuvchanligi

bo‘ladi,

Bunda C - idish konstantasi.

¹/₈ H eritmaning solishtirma elektr o‘tkazuvchanligini o‘lchab bo‘lingach, u to‘kib tashlanadi, idish oldin suv bilan, keyin tekshiriladigan nisbatdagi eritma bilan chayqaladi va yani eritma quyib to‘latiladi.

eritma elektr o‘tkazuvchanlikni o‘lchashga o‘tishdan ilgari idish 10 minut davomida termostatga botirib qo‘yiladi, bunda eritmaning temperaturasi termostat temperaturasi bilan baravarlashadi.