Fizikadan masalalar to’plami

5m uzunlikdagi cho`zilmas yengil ipda po`lat sharcha osilib turibdi. Sharchaga gorizontal yo`nalishda qanday tezlik berilsa u ip bog`langan nuqta balandalikigacha ko`tarila oladi? g=10 ^m/_s2.

Uzunligi 0,4m bo`lgan yengil va qattiq sterjenning bir uchiga mahkamlangan sharchaga gorizontal yo`nalishda qanday minimal tezlik berilsa u vertikal tekislikda to`liq aylana oladi? g=10^m/_s2.

Uzunligi 80sm bo`lgan yengil sterjenning uchlariga 1kg va 3kg massali sharlar mahkamlangan. Sterjenning markazidan o`tuvchi gorizontal o`q atrofida sistema erkin aylana oladi. Sterjen gorizontal holatga keltirilib qo`yib yuboriladi. Sterjen vertikal vaziyatdan o'tayotgan vaqtda sharlarning tezligi qanday bo`ladi? g=10^m/_s2.

Uzunligi 150sm bo`lgan yengil sterjenning uchlariga bir xil massali jismlar mahkamlangan. Sterjen gorizontal o`q atrofida erkin aylana oladi. Gorizontal o`q sterjen uzunligini 1:2 nisbatda bo`luvchi nuqtasidan o`tkazilgan. Sterjen muvozanat holatda turganda unga qanday minimal burchak tezlik berilsa u vertikal tekislikda to`liq aylana oladi? g=10^m/_s2

Silliq gorizontal sirtda yotgan uzunligi 72sm, massasi 300g bo`lgan arqonning bir uchiga uncha katta bo`lmagan 100g massali yuk mahkamlangan. Yuk stolning chetiga keltirilib qo`yib yuboriladi. Arqonning ikkinchi uchi stoldan uzilayotgan paytda arqon va yuk qanday tezlikka erishadi? g=10^m/_s2.